بالفيديو..«ناجي من زينة البحرين» يروى اللحظات الأخيرة لغرق المركب

قال رضا أنور على محمد، الناجي الوحيد من مركب الصيد التى غرقت فى السودان: «كنا طالعين فى مركب صيد رايحين السودان، ولما المركب غرقت، قعدت فى المية من 6.30 صباحًا حتى الساعة 8 بالليل لحد ماطلعت على جزيرة، قعدت بت على الجزيرة، والصبح خدت مع محمد اللى كان معايا وروحنا بين السودان».

وتابع «أنور»:«الناس كلها فاكرة إن المركب غرقت بسبب عطل فيها، والصحيح إن الشعب المرجانية هى السبب لأن المركب طلعت على الشعب المرجانية فغرقت المركب».

وتابع« أنور»:«قعدنا هناك أربعة أيام مفيش مسؤول سأل فينا، أربعة أيام وإحنا هدومنا مقطعة ومش لاقيين حاجة نلبسها ولا نأكلها وكنا ماشيين حافيين، حتى روحنا الاستقبال علشان ناخاد حقن اسمها الحوادث، بقيت ندوس على الناس وإحنا ماشيين حافيين عليهم، المفروض المسئولين يعرفة إن الميت معروف وضعه، الجيل الحى عايزين يموت بقى ولا أيه، المفروض الناس دى تقف معانا».
أكدت مصادر بميناء الأتكة، غرق مركب الصيد المصرية «زينة البحرين»، بالسودان، ويحمل على متنه من 20 إلى 23 صيادًا مصريًا.

كانت قد أكدت المصادر، أن البحرية السودانية عثرت على اثنين ناجيين فقط، هما طفلان شقيقان، ومازالت جهود الإنقاذ مستمرة للبحث عن باقي المفقودين.

وأضافت المصادر، أن المركب خرج من ميناء «برانيس» بمحافظة البحر الأحمر، منذ نحو 10 أيام قاصد الصيد بالمياه الدولية، وأن المركب ترخيص ميناء الأتكة، ويعمل خارج خليج السويس.

ورجّحت المصادر، أن يكون سبب غرق المركب اصطدامه بشعاب مرجانية، لافتة إلى أن الصيادين الذين على متنه من عزبة البرج بدمياط والمطرية بالدقهلية.