بالفيديو..«خناقة» رئيس الزمالك وميدو تصل «الطب الشرعي».. رئيس النادي: هقعدك أنت وأبوك في البيت وهضربك بالخرزانة على «...».. وميدو: يا بتاع السحر والشعوذة

شهدت الساعات الأخيرة «خناقة» بين رئيس نادي الزمالك، وأحمد حسام «ميدو» المدير الفني للفريق الأبيض سابقًا، تضمنت هجوم ناري من جانب الطرفين، ووصل الأمر إلى السباب أمام الجميع.

بدأت الأزمة عندما قرر رئيس نادي الزمالك إقالة أحمد حسام «ميدو» وحازم إمام، بعد الهزيمة من الأهلي في مباراة القمة 111 التي انتهت بفوز الأحمر بثنائية نظيفة، قائلًا: «انا اتعلمت من الدروس اللي فاتت.. انا العب واخسر بشرف لكن العب بهذا الأداء السىء ده مش مقبول.. واللاعبين كلهم عارفين من البداية الملعب اللي حيتلعب عليه مباراة القمة وبلاش حجج.. شكل الزمالك كان وحش في مباراتين الأهلي والإسماعيلي».

وأكد رئيس الزمالك في تصريحات عقب مباراة القمة انه سيتم التعاقد مع مدرب أجنبي، لافتًا إلى أنه كان لديه أمل كبير في حصول المدرب المصري على فرصته كاملة- في إشارة إلى ميدو، قائلًا «ميدو وحازم عملوا اللي عليهم تمامًا»، «ومحدش يقدر يقول ان الزمالك عمل سحر وشعوذة والكلام الفاضي ده.. والواد اللي رش مية في ملعب برج العرب اتفصل فورًا».

عاد أحمد حسام «ميدو» بتصريحات نارية أمس خلال مداخلة تليفونية على قناة «الحياة 2» يهاجم من خلالها رئيس نادي الزمالك، قائلًا «بوجه رسالة لرئيس النادي ان محدش علمك تحترم الناس.. وانا هعلمك ازاي تحترم الناس.. انا وحازم اشتغلنا مع راجل ما ينفعش اي حد انه يشتغل معاه.. لو جبت مورينيو يشتغل معاه عمره ما هينجح.. الراجل ده كان بيتدخل في عملنا بشكل مباشر.. كان بيتدخل في اختيارات اللاعبين بشكل كبير خاصة في مباراة سموحة والأهلي.. رئيس النادي قال ما تلعبوش باسم مرسي وكهربا ودويدار لأن معملوهم عمل وسحر».

وأضاف «نادي الزمالك كان بيستعين بشيوخ.. وكان فيه شيخ بيحضر معاهم في المباريات وفي الأوتوبيس وكان بيتقاضى 7 آلاف جنية في المباراة.. والصور موجودة معايا.. شيخ متواجد بيعمل سحر وشعوذة.. وأؤكد مرة تانيه ان الصور معايا»، مشيرًا إلى أنهم كانوا تحت ضغط كبير جدًا من حيث التدخل في الأمور الفنية قائلًا «فيه لعيبه بكت ليا وعايزه تمشي عشان رئيس النادي مش عايزها في الزمالك».
وفي المقابل قام رئيس نادي الزمالك بردود أفعال نارية ضد «ميدو» صباح اليوم، قائلًا له «انت حتتربى انت وأبوك.. وهوه زعلان انه تمت اقالته على الهواء.. أحب اقوله إن الفضيحة كانت على الهوا»، ولم يتكف رئيس القلعة البيضاء بذلك وإنما واصل هجومه قائلًا «أقسم بالله يا ميدو انا هخلي أصغر عامل عندي في ميت غمر يضربك بالخرزانة على..».

واستكمل تصريحاته «انت يا ولد بتتكلم على سيدك كدا.. انت يا عميل قطر يا خدام موزة بتتكلم عني انا»، مستطردًا «بيقول ان احنا خدنا الدوري بالدجل.. طيب كأس مصر اللي انت خدته كان بالدجل برده.. وبيقول كان فيه شيخ بيتقاضى 7 آلاف جنية بيروح المباريات.. 7 آلاف جنية في عينك يا سافل يا قليل الأدب.. واتحداك لو اللي قولته ده صحيح حستقيل».

وتابع «انا املك اني مش اخليك تنزل من بيتك انت وأبوك.. انا اللي رجعتك للنادي بعد ما كنت عيل بـ ***»، مضيفًا «أحمد اللي مش عاجبك ده جزمته بدماغك.. على الأقل مش بيسكر.. انا هخليك تنسى اسمك.. ده انا جزمتي بدماغك انت وأبوك.. انا هربيك من الأول لأن أبوك ما اعرفش يربيك بعد ما باعك وانت صغير وخلاك تروح اوروبا.. انا حكشف عليك في الطب الشرعي.. ده انا سيدك وسيد أبوك.. حسام وصفي ده ما يقدرش يقف قدامي.. الغلطة غلطتي اني دخلت واحد زيك النادي».