هجمة مرتدة

· محمود طاهر .. حفل جيد لوداع مارتن يول , الأهلي يتميز عن الأخرين بأنه يودعمدربيه بالطريقة اللائقة , لكن الم يكن من الأجدر بك عدم تفويت دعوة عبد العزيز عبد الشافي وهو أيضا كان له دور كبير في احراز الدوري هذا الموسم , أشدت بك عندما دعيت التوأم حسن في حفل النادي الأكثر تتويجا , فلماسا لم تدعو زيزو , أم لأنه من المؤيدين للاسطورة محمود الخطيب الذي سيبقي كذلك دائما شئت أم أبيت .
· طارق حامد .. عندما يجيب حسام البدري عن سؤال يتعلق بمن هو اللاعب الزملكاوي الذي يتمني أن يكون في الأهلي , فان هذا لا يعني مطلقا انه توجه بعرض رسمي لشرائك , المسألة مش محتاجة منك كل الشو الاعلامي السخيف اللي انت عملتو , لا البدري اصلا مسك الأهلي , ولو مسك مش هيتفاوض معاك , ولا انت واحد من أهم لاعبي مصر عشان تحس نفسك بول بوجبا يعني .
· أحمد شوبير .. واحد من اهم الاعلاميين في مصر و الوطن العربي , لكن بصراحة اسلوبك في الترهيب و الوعيد و التهديد مش أسلوب اعلامي ابدا , لو حد عنده رأي مخالف ليك ده من حقه تماما , مش معني كدة انك فظاعة لأصحاب الراي , من باب أولي تاخد ابنك ساعتين تحاول تعرفه اسايات حراسة المرمي بدل ما تنتقد اللي بيهاجمه , كمان بما انك رضيت تبعد عن انتخابات الجبلاية يبقي تقف علي مسافة واحدة من كل المرشحين او تسيبك من الكلام في الليلة دي خالص .
· هشام حطب .. مش هقولك امريكا ولا الصين , لو مش واخد بالك ان كينيا واخدة 13 ميدالية منهم 6 ذهبيات في الأولمبياد يبقي روح اعمل كدة كام زيارة لأفريقيا عشان تعرف احنا فين من الناس دي .