محمد هنيدي عن المتحف الكبير: مصر تقدم للعالم صورة تليق بيها
السبت، 01 نوفمبر 2025 10:04 م
عبّر النجم القدير محمد هنيدي عن فخره الكبير بالحدث التاريخي لافتتاح المتحف المصري الكبير، بحضور عدد من رؤساء وملوك العالم وكبار الشخصيات الدولية، مؤكدًا أن اللحظة تمثل تتويجًا لتاريخ بلد ما بتخلصش حكاياتها.
وقال هنيدي: افتتاح المتحف الكبير مش مجرد احتفال، دي لحظة كل مصري لازم يعيشها بفخر. العالم كله هيكون بيتفرج على بلدنا وهي بتحكي أعظم قصة عرفتها البشرية.. قصة الحضارة المصرية اللي لسه لحد النهارده الناس مش قادرة تفهم سرّ عظمتها.
وأضاف بطريقته الطريفة المعتادة: (يعني لو الفراعنة نفسهم رجعوا وشافوا المتحف ده، كانوا هيقولوا لنا: برافو عليكم يا مصريين، كملتوا اللي بدأناه)
وتابع هنيدي قائلًا: "أنا فخور إن مصر بتقدّم للعالم صورة تليق بيها، ومتحف بالحجم ده لازم نعتبره هدية للأجيال الجاية، كل حجر وكل تمثال فيه بيحكي حكاية مجد، وافتتاحه وسط رؤساء العالم دليل إن الحضارة دي لسه قادرة تدهش وتلهم العالم كله.
شارك في الاحتفالية مجموعة من المطربين جميعهم مصريون، إلى جانب 218 عازفاً وكورالاً وراقصاً مصرياً، بالإضافة إلى عدد من الموسيقيين العالميين، تحت قيادة مايسترو مصري، في مشهد فني مبهر يجسد روح الإبداع والتكامل بين الفن المصري الأصيل والفنون العالمية.
