بالفيديو.. شردي لـ«رئيس نادي الزمالك»: ليه كل ما تكلم حد تجيب سيرة أمه
الأربعاء، 24 فبراير 2016 05:20 ص
لإعلامي محمد مصطفى شردي
إسراء أحمد
شن الإعلامي محمد مصطفى شردي هجوم حاد على المستشار مرتضى منصور رئيس نادي الزمال، لاستغلاله عضويته في البرلمان للانتقام من الإعلامي عمرو أديب بسبب خلاف شخصي.
وقال "شردي" خلال برنامجه "كل يوم" المذاع على فضائية النهار اليوم": "القضية الشخصية بين المستشار مرتضى منصور والاعلامي عمرو أديب، احنا هنسيب اللائحة والنواب والقوانين ومستقبل مصر والتعديل الوزاري وازمة امناء الشرطة، وهنتكلم في القضية دي واللي وصلنا فيها لمرحلة من التراشق اللفظي".
وأضاف "بس كفاية كده يا سيادة النائب، بالامانة المسالة زادت اوي، انت بتستخدم الفاظ مش عاجبة المجتمع، وبتقوم بتحركات غريبة جدا، ولما بتتكلم وانت منفعل فانت تخطئ في حق الناس والمجتمع .. انت ليه كل ما تكلم حد تجيب سيرة امه، هي امه ولا زوجته مالهم بالموضوع، امهاتنا كلها محترمة، ايا كان اللى بيحصل على الساحة، لا يصح اطلاقا ان يحدث هذا".
وتابع "واعلم ان حديثي ده هيخليك تطلع تقول بس انت مش هتقدر تقول امه ولا ابوه، ولا شردي نفسه لانك تعملني جيدا، بس لازم حد يقف دلوقتي، كل اللى بيسخدموا طريقة واسلوب في التعبير يجب ان يختفى من المجتمع .. ".
واستطرد قائلاً "يعني ايه المستشار يدخل مجلس النواب ويصر ان اديب وصف المجتمع المصري بانهم كلاب، هو وصلنا ان هي دي المشكلة اللي تناقش في مجلس النواب ما كلنا شوفنا اللي عمرو اديب قاله، بس الراجل اتكلم لانه اتشتم مرة واتنين واربعة واهانة ناس كتير".
وأضاف "احنا هنلاقيها من الاخوان ولا النواب، كنا كلنا بنط من على السور ايام الاخوان يا سيادة المستشار بس فعلا مستخبناش في بيتنا، وكنا بنعمل المستحيل علشان نوصل للاستوديو".
