وقال الفنان الشاب وليد المغازى، فى تصريحات صحفية": "أنا وعصام عمر صحاب من زمان وقريبين وبالنسبة ليا ممتع أوى أن اشتغل معه مرة أخرى بعد مسلسل بالطو، لأن ده مريح في التعامل مش محرج أن أقول حاجات نزود كلام بيبقى باين أن فيه كيميا وفاهمين بعض وشبه بعض أخويا".
وعن كواليس مسلسل مسار اجباري، رد قائلا: "الكواليس خطيرة وبسيطة وجميلة، وكان بدأوا التصوير وأنا داخل عليهم متأخر وده بيبقى في توتر لأى حد لأن الكل بيبقى عارف بعض ويصوروا كل يوم وبيبقى في توتر لحد جديد داخل عليهم لم يحسسونى بذلك، أحمد داش وعصام عمر والمخرجة نادين خان، داش لذيذ جدًا و قعدنا نكلم نهزر وأقولهم إيه رأيكم ممكن نزود حاجة واللوكشين إحنا صحاب بنهزر والكواليس بسيطة وجميلة وممتعة وده كان مساعد أنى أبقى هادئ وغير متوتر ويارب والدور يبقى حلو والجمهور ينبسط منه".
عصام عمر و وليد المغازى
أحمد داش و وليد المغازى يعرض مسلسل مسار إجبارى الحلقة 5 بطولة أحمد داش و عصام عمر على قناة CBC فى الساعة السادسة و5 دقائق مساء، وعلى قناة الحياة 11:15 مساء، وعلى قناة ON الساعة 10:30 مساء، وعلى القناة الأولى المصرية 12 منتصف الليل، وذلك ضمن مسلسلات رمضان 2024.
مسلسل مسار إجبارى مكون من 15 حلقة ويعرض ضمن مسلسلات رمضان 2024، بطولة أحمد داش، عصام عمر، صابرين، بسمة، جورى بكر، نور محمود، مى الغيطى، رشدى الشامى، ياسمينا العبد، معاذ نبيل، محسن منصور، جهاد حسام، نورين أبو سعدة، إبراهيم الزيادى، وليد المغازى وعدد آخر من الفنانين، هو سيناريو وحوار أمين جمال، محمد محرز، مينا بباوى وإخراج نادين خان وإنتاج المتحدة للخدمات الإعلامية.
