بالفيديو.. «أديب» مهاجما رئيس الزمالك: «راجل وريني نفسك»

فتح الإعلامي عمرو أديب النار على مرتضي منصور رئيس نادي الزمالك، خلال الساعات الماضية، وذلك بعد هجوم الأخير عليه عقب إعلانه إستضافة أحمد حسام ميدو المدير الفني السابق للفريق الأبيض.

وقال أديب خلال برنامجه «القاهرة اليوم» المذاع على فضائية «اليوم»: «مرتضي منصور عاوز يوقف البرنامج قبل يوم الاتنين الجاي وكلم رئيس الوزراء ووزير الإستثمار، بسرعة هاتولي عمرو أديب عاوزين نوقف البرنامج قبل يوم الاتنين الجاي قبل حلقة ميدو».

وأضاف أديب : «انتوا متخيلين البلد بيحصل فيها إيه.. متخيلين العبث.. متخيلين الجنان.. متخيلين الإحساس بالقوة والمبالغة فيه».

وتابع: «مرتضي كلم الإدارة وقالهم هكسر الإستديو وهبعت ناس.. طب ياريت يأخي تعمل كدا وتعالى اعمل اللي الأخوان مقدروش يعملوه.. تعالى وريني نفسك هنا راجل لراجل».

واختتم: «أنت يا مرتضي أنت عارف أصلك أيه وفصلك إيه وكنت فين زمان أيام حازم أبو اسماعيل كنت تحت السرير وعارف مين بيحميك.. إحنا رجالة أوووي.. ولو انت قدي تعالي وأنا أوريك مقام.. احنا مبنخفش من بعبة البق بتعتك وأنت عارف أخرك فين».