أمير مرتضى يعلق على اتهامات «ميدو»

أكد، أمير مرتضى منصور، نجل رئيس نادي الزمالك، على أنه يرفض الظهور في البرامج الفضائية للرد على اتهامات أحمد حسام «ميدو»، وذلك من أجل مصلحة القلعة البيضاء فقط، مشيرًا إلى إنه سيحاول إقناع مرتضى منصور بالسكوت، حرصًا على استقرار النادي.

وقال أمير عبر حسابه الرسمي بموقع التواصل الاجتماعي «فيس بوك»: «رغم حزني الشديد واحترامًا لجماهير نادي الزمالك، مش هرد على أي إساءة أو اتهام أو إهانة، وده مش ضعف الحمد لله اقدر أرد في أي وقت، وبعتذر لكل البرامج اللي طلبت إني أكون ضيف علشان أرد لأن مصلحة النادي دلوقتي اهم من غضبي وحرقة دمي، وحقي في الرد ولكن هسكت علشان مصلحة النادي، وعلشان محدش يشمت او يتريق علينا، وهبذل اقصى جهدي اني اقنع والدي انه يسكت وميردش علشان خاطر الجمهور والفريق، لأن الفترة الجاية صعبة الفريق هيبدأ افريقيا وكأس مصر والدوري محتاج تركيز، والمدير الفني محتاج دعم ومساعدة ومساندة، وأخيرًا اقسم بالله كلمة زملكاوي احسن من اي منصب بالنسبة ليا، واللي بيحب الكيان بجد يحط مصلحة الزمالك قبل مصلحته #الزمالك_أولًا_واخيرًا».