إبراهيم سعيد: «المحامى بتاعى سرق شقتى وسأشكوه للنقابة»

أعلن إبراهيم سعيد، لاعب الأهلى والزمالك السابق، والمدير الفنى الحالى لنادى جولدى، إنه ألغى توكيل المحامى الخاص به، بعد اكتشافه اشتراكه فى الاستيلاء على شقته، مؤكدًا على أنه سيقدم شكوى فى نقابة المحامين.

وكتب "سعيد" عبر حسابه الشخصى على "تويتر": "المحامى بتاعى طلع مشترك فى حوار الاستيلاء وسرقة شقتى بالكامل وكان بيعرف خطواتى ومواعيدى واتهمته فى النيابة"، مضيفًا: "أقسم بالله.. لاغيت له التوكيل وهيتم شكواه فى نقابه المحامين، البلد لازم تنضف بجد من الأشكال دى".

وأضاف سعيد فى حواره مع المحامى: "قالى انسى بقى وهتقعد فى القضايا دى كتير، قولتله دى ملكى وبيتى، قالى هنعمل ايه يعنى عيش بقى فى المحاكم ومش هتعرف تطلع حد ولا حتى الحكومة هتعمل حاجة.. تعالى نقعد ونتكلم ونفكر نعمل ايه وقولى بتفكر فى ايه، عبيط أنا أصلى.. ده أنا ألعب بيك عشره كوتشينة وأنت قاعد، وحقى هيرجع بإذن الله ومتأكد، وتم تقديم كل الأوراق فى النيابة حتى إيصال الكهرباء وهيتقبض على كل المتواجدين وهيتحبسوا بإذن الله ويكونوا عبره".