بالفيديو.. «أديب» عن الدورى: «ناس ليها الدرع وناس ليها الحلة»
الأحد، 26 يونيو 2016 01:24 ص
هنأ الإعلامي عمرو أديب، خلال برنامجه «القاهرة اليوم»، المذاع على فضائية «اليوم»، الشياطين الحمر بالفوز بلقب الدورى، مشيدا بإدارة الفريق الأحمر.
وقال أديب، فى مستهل تعليقه على تتويج النادى الأهلى بدرع الدورى رسميا، إن «الزمالك هياخد الدورى، لما تحصل حرب، واتحاد الكرة هيضرب بالصواريخ، وهيلغوا الدورى وبكده الأهلى مش هياخده».
وأضاف: «ناس محترمة، إدارة جيدة، ناس بتحب النادى بتاعها، ناس منظمة وبتفهم فى الكورة، وناس مستقرة، ولولا اللى عملته إدارة الزمالك فى بداية الدورى، مكنش حصل اللى حصل».
وأشار الإعلامي المعروف بتشجيعه للزمالك، إلى أن «حصول الزمالك على الدورى فى العام الماضي، مجرد صدفة تاريخية" لن تتكرر.. ولما قلت الزمالك هياخد الدورى 10 سنين كمان، كانت هلاوس وكنت غلطان، وإحنا مش هنشوف الدورى ده تانى».
