تصريحات نارية من رئيس الزمالك قبل «القمة»

فتح مرتضى منصور رئيس نادي الزمالك، النار، على كل منتقديه بعد موافقته على اقامة مباراة القمة بملعب السويس، بعدما كان مقرر لها على ملعب بتروسبورت.


وقال مرتضى "أنا في البداية والنهاية رجل دولة، عضو برلمان عام 2000 ورئيس لجنة الأندية ومايشغلنيش شوية العيال التانية اللي قاعدة على الفيس بوك تقل أدبها وتقولك الله يرحم الزمالك وتقول هيبة الزمالك".


وتابع "هيبة الزمالك انك تاخد بطولات فقط مش قصة ملعب يمين أو ملعب شمال، ولازم تبقو عارفين أن من بداية المسابقة الأمن هو اللي بيتحكم فيها يعني مش هنضحك على نفسينا".


واستكمل "قصة الدفاع الجوي كان كانو عاوزين يلبسو نادي الزمالك القضية كلها، فإحنا لاعلاقة لنا احنا مش أصحاب الملعب أصلاً والتذاكر كانت مطبوعة في مطابع الشرطة وأتوذعت بالجنة وقالت قانونية ومع ذلك كانو عاوزين يلفقو القضية لنادي الزمالك".


واختتم "أحنا كنا ملسوعين من الشوربة قبل كدة هنوعد ننفخ في الزبادي دول شوية عيال صيع اللي قاعدين ملهمش أهل مش متربيين ولا في دماغك حاجة، ممكن نقول هنلعب في المكان دة غصب عن عين التخين يروحو العيال تقتحم المكان دة الشرطة تتعرضلهم والناس تموت ويقولك هاتو بقى المجلس اللي هو مش مقدر مسئولية البلد".