ننشر نص التسجيلات الهاتفية التي تسببت في انتقال «كهربا» للزمالك

كشف محمد نصر، المخرج التليفزيونى، مفاجآت جديدة فى صفقة انتقال محمود عبدالمنعم كهربا ، لاعب إنبى السابق، إلى صفوف نادى الزمالك، خلال فترة الإنتقالات الصيفية الجارية .

وقال نصر على صفحته الشخصية عبر موقع التواصل الإجتماعى فيسبوك : معلومة للتاريخ وأرجو أن الأصدقاء الزملكاوية المحترمين يتعاملوا معها كشهادة في حق لاعب كبير.. كهربا:آلو استاذ محمد النهاردة ٢ رمضان ومحدش كلمنى من الأهلى/ نصر:ياحودة أنا حاكلمهمً تانى واحطك فى الصورة/ نصر:كابتن وليد صلاح حتعملوا ايه مع كهربا لانه مَش حيكلمك يقولكم والنبى خدوونى/وليد:قول لكهربا مستعجل ليه لسة بدرى..نصر/كهربا انا حاكلم علاء عبد الصادق واكلمك../ نصر: كابتن علاء كهربا عايز يعرف عايزينه ولا يشوف مصلحته والزمالك عارض عليه لبن العصفور/ كابتن علاء:انا حاكلمهً يانصر بعد التراويح وحافهمه يعمل ايه هو ووالده انا عارف انهم اهلاوية وحاتصرف..نصر:ياحودة علاء كلمك/كهربا:تمام وقالى حنعمل ايه..ويفوت نص رمضان ونرجع تانى./كهربا:مافيش حد عمل حاجة استاذ محمد وانت اخويا الكبير ومش عارف انا رايح معسكر المنتخب الأوليمبي وعندى ميعاد مع ا/مرتضى بس مَش حأقدر لحد ماترد عليا اخر كلام علشان ارتاح.نصر/ كابتن وليد: كهربا مضغوط عليه من الزمالك والأهلى ولا هو هنا ومستقبل كهربا حرام./وليد:ياعم نصر قوله عندنا اجتماع لمجلس الادارة نبيع تريزيجيه وصبحى ونكلمه بس مايمضيش لحسن يتوقف./نصر : أنا عملت حملة على فيس علشان أحرج الناس دى وقولت كهربا لو مَش حتلحقوه حيشوف مستقبله مع الزمالك/كهربا:شوفتها وهيثم عرابى كلمنى بعد ماشاف البوست بتاعك وقالى ميعادنا الأحد نخلص.. وفات الأحد/ نصر:كهربا عرابى كلمك/ كهربا:ولا حد كلمنى ولا احترمونى زى صالح جمعة وراحوا خلصوه فى ثانية وانا لعيب أساسي على اى حد فى المنتخب كبير واوليمبى صبحى وتريزيجيه ومصطفىً فتحى /نصر :عارف وحيندموا عليك بعدين وانا عارف قيمتك ولو انا رئيس الأهلى أمضى معاك ويحلها الحلال/كهربا: انا رايح مكتب المستشار حمضى واخد فلوس سنة مقدم الساعة ١٢ بلليل وانت حبيبى وحتفضل حبيبى استاذ محمد.بعد المكالمة كلمت كل المواقع الكبيرة للاهلى وبلغتهم أن اﻻهلى تخاذل والزمالك جاد وحيخلص صفقة العمر..الأسبوع الأخير من رمضان ..نصر :كهربا ايه خلصت ولا لسة /كهربا: بعد ماخلصت مع الزمالك بيجروا ورايا علشان يعطلونى بس ويقولى حنجيب لك عرض فى أوروبا وماتقلقش حنخلصك بطريقتنا بس قول عايز الأهلى/ نصر: انت شايف ايه لأن ده مَش صح/ كهربا:انت محترم استاذ محمد وأنا اللى اشترانى أشتريه وعمرى ما أبيعه /نصر :ربنا يوفقك يانجم كان نفسي اخلص معاك لو ااقدر لانك أهم صفقة أهم من ايفونا والشيخ إلى دايخين وراهم..كهربا يقابل نصر بالاحضان والحب احتراما فى مباراة الزمالك ودجلة وأتمنى له التوفيق..الان كهربا كما قلت صفقة العمر للزمالك وفى رأيى أحسن لاعب فى مصر حاليا ومستقبلا وسيكون أفضل من صلاح فى الاحتراف لو احترف.شهادة للتاريخ ولو انها طويلة جدا.. .