هند عاكف: "شغالة من وأنا عندي 4 سنين ومنعونى من دخول مهرجان القاهرة السنيمائى" (فيديو)

تصدرت الفنانة هند عاكف، مؤشرات البحث ضمن الموضوعات الأكثر رواجا على محركات البحث، بعد تصريحات تلفزيونية مثيرة للجدل، مما جعلها تتصدر التريند.

وهند عاكف طلّت بعد أن أثارت ضجّة في حفل افتتاح مهرجان القاهرة الدولي للسينما، ضيفة ببرنامج "نص الكلام" مع الإعلامية راغدة شلهوب، عبر فضائية "النهار" المصرية، وتحدثت عن أزمة منعها من دخول المهرجان، وعن مشكلات الوسط الفني.

بكاء هند عاكف

وتحدثت هند عاكف باكية: "أنا شغالة من وأنا عندي 4 سنين، أنا كنت بدخل المهرجان ده والدعوة بتبقى في العربية، الدعوة كانت من زميل مش هذكر اسمه، قالي يا هند أنا شفت الفيديو بتاعك وإنتي عايزة تروحي المهرجان، قولتله أيوه أنا عايزة أروح، قالي أنا مش هروح عندي ظروف ومسافر، أنا هبعتلك دعوتي، معرفش بقى فيه أسامي أو مفيش أسامي".

تصريحات هند عاكف

وأضافت هند عاكف: "لما تم منعي من الدخول صعب عليا تاريخي وتاريخ عيلة عاكف، اللي أنا شايلاه طول عمري ومحافظة عليه، قولت استحالة يعملوا معايا موقف زي ده، لازم يدخلوني، أو يتصلوا بالإدارة جوه وهيدخلوني من غير مشاكل، أنا ليا تاريخ بجد أنا مش بهزر، أيا كان كبير أو صغير، أنا ليا تاريخ وليا وضعي وأعمالي الفنية المحترمة، بغض النظر إني بعدت شوية وليا تاريخ أيضا في الفترة اللي بعدها، أنا مبعدتش عشان اتفسح أنا كنت بعمل حاجة لصالح بلدي وللمواطن المصري".

هند عاكف وأزمة الافتتاح

هند عاكف تطرقت بعد الحديث عن أزمة الافتتاح لموضوعات عدة منها المخرجين الذين تحب العمل معهم ورأيها في عدد من نجوم الوسط الفني، وقالت إنها تحب رؤية المخرج خالد يوسف وتحب العمل مع الفنان محمد هنيدي، واختارت ريهام حجاج عن مي عمر، كأفضل فنانات جيلها، موضحة: "لو ريهام بطلت عن الانفعال في أدائها"،  وأشارت إلى أن رانيا يوسف أفضل من روبي في دور الإغراء.

اعمال هند عاكف

هند عاكف حصلت على دبلومة الدراسات العليا في العلوم السياسية عام 2016 نشات في السيرك كلاعبة كاوتشوك، عملت في العديد من الأعمال ومن المسرحيات التي شاركت بها "العالمة باشا" "الباراشوت" "الدبابير" "العسكرى الأخضر" "جنون البشر" "الواد الجن" ومن مسلسلاتها:"كلام رجالة" "السبنسة" "اوتار التغريبة" "قلبي داليلي" "قلب الدنيا" "علي باب الوزير"، "الف ليلة وليلة".