"لا أقبل بفاسد معايا".. أول تعليق من مصطفى كامل بعد ترشحه لمقعد نقيب الموسيقيين
الإثنين، 12 يونيو 2023 01:10 م
الفنان مصطفى كامل نقيب الموسيقيين، تصدر مؤشرات البحث خلال الساعات الماضية بعد توجيه رسالة للمرشحين على مقعد النقيب عبر حسابه الرسمي بموقع التواصل الاجتماعي فيسبوك خاصة بعد ترشحه للمرة الثالثة اليوم داخل مقر النقابة.
مصطفى كامل يوجه رسالة للموسيقيين بعد ترشحه
ونشر مصطفى كامل عبر حسابه بموقع فيسبوك: "لكل زملائي المرشحين على منصب النقيب العام أو عضو مجلس الإدارة، أقسم بالله وبكتاب الله ما ليا قائمة، المرشحين كلهم أفضل من بعض واللي هييجي على الترابيزة دي هنشتغل مع بعض ولن أقبل بحد ينتفع من وراء الموسيقيين، واللي مفكر أنه يسرق يقعد في بيتهم واللي ناوي ياخد حق اليتامى من القديم والجديد هتكون سنينه سودة".
الفنان مصطفى كامل: عاوزين ناس شرفاء
وتابع مصطفى كامل: "عاوزين ناس شرفاء وأمناء على حقوق الغلابة، ومش بحب الفساد ولا أنا راجل فاسد ولا هقبل بحد فاسد معايا، وأحلامي الفترة الجاية هتكون أعلى على المستوى الإداري والخدمات والموظفين والواجهات المرشحة".
وأردف مصطفى كامل: "وبحق كتاب الله ما ليا قائمة، ومش هوصي حد على حد وكله بمجهوده وعلاقته، ومش هقدر أمسك غير كتاب ربنا وماليش قايمة وزملائكم مطروحين عليكم وتوكلوا على الله وأنا مع الله وهفضل مع الله".
الفنان مصطفى كامل والترشح للنقابة
وأضاف مصطفى كامل "مش هقبل كلام وحش على النقابة، ومفيش نقابة محترمة تسمح إن حد فيها يكتب عنها نقابة الفساد والعار، إزاي تكتب على بيتك كده ولا نفسك، لو شفت عار تقدم لرئيس مجلس الإدارة، ولما ما يجيش حقك اعمل اللي أنت عاوزه، لكن ليه تكون قاعد فاضي وتكتب نقابة العار، ولاحقا لو ربنا ولأن الأمر ده مش هيكون مقبول، وبقرارات مجلس الدولة هناخد قرارات ونرفع قضايا في المحاكم لأنها جريمة والدولة تجرم السب والقذف إلكترونيا".
بداية مصطفى كامل
مصطفى كامل مطرب وشاعر مصري ومؤلف واسمه الحقيقي مصطفى كامل السيد كامل. عاش طفولته بحي السيدة زينب، من ألبوماته طول الوقت وورحلة عمري ووحكايتي أنا وودقت الساعات ووأقوى من الأيام ووألبوم صور واكرهيني وواجمل سنين العمر و3 مرات وحدوس على قلبي، وقد حصل مصطفى كامل على منصب نقيب المهن الموسيقية في ١١ أكتوبر ٢٠٢٢ وذلك بعد استقالة نقيب المهن الموسيقية السابق هاني شاكر في ٢٥/٧/٢٠٢٢.
مصطفى كامل له العديد من الألبومات ومنها رحلة عمري ودقت الساعات وأقوى من الأيام و 3 مرات وغيره، يلقب بـ أمير العذاب، مصطفى كامل له أخ اسمه أحمد وأختان نوال وسمية ومصطفى متزوج وله ولد وبنت فرح وفتحي، ونجح نجاح كبير من خلال أوبريت تسلم الأيادي التي غناها ولحنها وشاركه فيها العديد من النجوم. قام مصطفى كامل بدويتوهات عدة خاصة مع صاصا الذي يقول عنه مصطفى الأمير الأسمر وكذلك مع أخية أحمد.
