فسر أحمد سيد زيزو نجم الزمالك الاسبق الابتسامة التى ظهر بها رداً على هتافات جماهير الاهلى التى طالبته باللعب للقلعة الحمراء فى حفلة سابقة.
وقال زيزو فى تصريحات عبر صفحة قناة أون تايم سبورتس:" أبادل مشجعى الاهلى نفس الحب ، معظم صحابى والمقربين منى أهلاوية ، والشناوى وهانى والسولية ومنعم أقرب أصدقائى فى الاهلى".
وعن اللاعبين الذى كان يتمنى اللعب بجوارهم :" كان نفسى اللعب بجانب حسام غالى وفعلتها ، وكان نفسى ألعب مع حازم امام".
وعن جمهور الزمالك قال زيزو:" دايما الداعم والسند وهو السبب الرئيسى فى حبى للزمالك، ماليش حظ فى مباريات الاهلى وضيعت فرص كانت ممكن تغير مجري حياتى".
وأكمل :" مفيش نادى مر بالمشاكل اللى مر بيها الزمالك ، ولو روحنا كأس العالم تانى نقدر نعمل حاجة عشان عندنا أفضل لاعب فى العالم هو محمد صلاح".
وتابع :"أسعد لحظاتى الكروية الفوز مع الزمالك بالبطولات ، والذكرى السيئة كانت فى مباراة نهائى كأس الامم الافريقية أمام السنغال ولحظة إضاعة ركلة الترجيح".
