أول ظهور لـ محمد شردى بعد وفاة زوجته: فقدت أهم سند ليا فى حياتى خلال 9 أشهر

عاد الإعلامي محمد مصطفى شردي، لتقديم برنامج "الحياة اليوم"، المذاع على قناة الحياة، في أول ظهور له بعد وفاة زوجته، قائلا: "أعود بعد وفاة زوجتي وفي أقل من 9 أشهر فقدت أهم اثنين سند ليا في حياتى".

 

وأضاف محمد شردي، خلال تقديم برنامج "الحياة اليوم": "خلال 75 يوما قاعد مع زوجتي في الإنعاش بين الحياة والموت، وأنا لم انقطع في تلك الفترة عن العمل وكنت بعمل شغلي".

 

وتابع: "الدرس اللي تعلمته في خلال 9 شهور كان درس قاسي جدا واكتشفت أننا نهتم على السوشيال ميديا بحاجات تافهة للغاية ونبدأ نشغل نفسنا بحاجات على السوشيال ميديا والمجتمع ينشغل أيام وأيام وشائعات، وفي حاجات كتير يجب النظر إليها، ونشوف الدنيا ماشية بنا على فين وفي مشاكل كتير جدا حولنا لكن نحاول تقديم الأمل".

 

واستكمل: "في قطاعات داخل مصر تتقدم رغم كل الحرائق اللى بتحصل، ورغم كل الضغط واحنا الوحيدين كدولة اللى واقفين في زور ناس، ومش عايزين نسيب القضية الفلسطينية، ونحن نعاقب على موقفنا من الشعب الفلسطيني".

 

واستطرد: "في شعب بيموت والدنيا كلها تخلت عنه إلا مصر والرئيس السيسي اللي دائما يهاجموه، مفيش مواطن عربي واحد مش بيقول عليه الله عليك أنت راجل".