بالفيديو.. عمرو أديب: «محدش يطلع يقولى في أعمال»

شن الإعلامي "عمرو أديب" هجوم حادًا على إدارة نادي الزمالك بقيادة المستشار مرتضى منصور، والكابتن أحمد حسام ميدو المدير الفني، بعد الهزيمة من غريمه التقليدي النادي الأهلي في مباراة القمة التي جرت بينهما مساء أمس.

وقال "أديب" خلال برنامجه "القاهرة اليوم" المذاع على فضائية "اليوم": "من اول ما مشي فيريرا واحنا زي الزفت، اللاعيبة مش لاقيه نفسها، عايز اعمل هشتاج اسمه "أسفين يا فيريرا" احنا غلطنا في حقك.. الراجل ده كان عامل فرقة، حلم العشر سنين القادمة بأن الزمالك سيكون على القمة أصبح كابوسًا، اما النادي الأهلي نجح في حسم 50% من الدوري".

وأضاف "وبطلب من مجلس إدارة نادي الزمالك محدش يطلع يقولي شمهورش، والعمل بتاع الميه اللى اترمى على الباب واللى معمول على رجل نملة.. الزمالك كان سئ والأهلى كان افضل ميت مرة، بنلاعب فرقة معندهاش مجلس ادارة او مدرب حقيقي الإتنين مؤقتين، يعني بنلاعب فرقة تلات اربع كيانها مش موجود".