واعتبرت الأغنية رسالة حب وتقدير لجهود الرئيس في خدمة الوطن وحماية مصالح مصر والمصريين.
كلمات الأغنية
يا رب بارك فيه لشعبه وعزوته وأهله
يا رب نور له الطريق اللي بتحدي مشيه
يا رب كمل فرحته.. دي الفرحة تستاهله
يا رب صونه وسلمه .. وابعت صوابك تلهمه
وما بين عبادك تكرمه .. وبعزتك تغنيه
يا رب صونه وسلمه .. وابعت صوابك تلهمه
وما بين عبادك تكرمه .. وبعزتك تغنيه
عبدك وكلفته بأمانة وكان أمين فيها
علّاها خلّاها في مكانة وشالها جوا عينيه
ضهر لجيرانه وفي أرض غزة بكل أهاليها
وبالسلام بدأ السلام والدنيا من بعديه
أنقذ بلدنا وردها من بين إيدين خاينين
كان الاختيار إنه يضحي عشان يشوفها بخير
رجعها تاني لأصلها ولناسها الطيبين
وبنى وحمى ودي ملحمة بإيدين جنود أساطير
يا رب صونه وسلمه .. وابعت صوابك تلهمه
وما بين عبادك تكرمه .. وبعزتك تغنيه
يا رب ع الشر انصره .. وع اللي داير قدر
وحلمه لينا فسره وفى اللى جاي قويه
يا رب صونه وسلمه .. والمحروسة تحميه
ما سابش حتة إلا وبنى فيها وعمرها
عدى على الصعب وقدر يرسم لها المشوار
وفي كام سنة من منحنى صحح لها مسارها
وقال خلاص الليل مشى كل اللي جاي نهار
يا رب عقبال 100 سنة وهو سند ليها
قدم في وقت الشدة خير طمن قلوب الناس
يا رب عقبال 100 سنة قائد بيحميها
وكل يوم ورا يوم بيبني فيها 100 إنجاز
كل سنة وانت منا .. كل سنة وانت لينا
كل سنة وانت بينا .. قائدنا وحامينا
كل سنة وانت منا .. كل سنة وانت لينا
كل سنة وانت بينا.. قائدنا وحامينا
