اعترافات أخطر تشكيل عصابي لسرقة الماشية: "مش ندمانين"

ضبطت مباحث مركز الشهداء بالمنوفية، أخطر تشكيل عصابى تخصص فى سرقة الماشية بقرى المركز.

وقال " أ. م. ع. ز" زعيم التشكيل العصابى فى التحقيقات: "أيوه شغالين بقلنا سنة على التقريب،علشان مفيش فلوس و لا شغل وحاولنا أكثر من مرة التقديم لأى شغل وكان الفيش الجنائى هو السبب فى رفض أصحاب الشركات لينا  علشان أحنا مسجلين خطر وخايفين مننا".

وتابع المتهم أن  زميله الرابع في التشكيل كان يبحث كل فترة عن حظيرة ماشية وكنا دائما جالسين على المقاهى للاتفاق على سرقتها، وبيع المواشى لأحد التجار بأعلى سعر حتى لايشك أحد.

وتابع" كنا بنوزع الفلوس علينا كلنا، بالحق والعدل ومش ندمانين على أى حاجة حصلت نهائيا كنا هنعمل إيه يعنى  ما هو مفيش شغل و لافلوس كنا نموت من الجوع، وأكد سرقنا 7 حضائر ماشية خلال الفترة اللى كنا فيها مع بعض، وبالعرض على  نيابة مركز الشهداء بمحافظة المنوفية، قررت حبس المتهمين  أربعة أيام على ذمة التحقيقات".

كان اللواء أحمد عتمان مدير أمن المنوفية، قد تلقى أخطارا من  العميد سيد سلطان مدير إدارة البحث الجنائي، يفيد من ورود معلومات لضباط إدارة البحث الجنائي ووحدة مباحث مركز شرطة الشهداء تفيد بقيام  كلا من" أ . م . ع . ز " عاطل ومقيم دائرة المركز، و"ت. ص. ت. م"  بدون عمل ومقيم دائرة المركز، و "م. ا . م. ر. س" سائق ومقيم دائرة المركز، و "إ. ع. م. م. ط " بدون عمل ومقيم دائرة المركز والمدرج جنائيا، والسابق اتهامه فى قضية "سلاح بدون ترخيص، و " أ . م . ف . ط " بدون عمل ومقيم دائرة المركز حيث كونوا فيما بينهم  تشكيلا عصابيا تخصص في سرقات  الماشية.

عقب تقنين الإجراءات قامت مأمورية تحت إشراف اللواء أحمد عتمان مدير أمن المنوفية وبرئاسة العميد سيد سلطان مدير إدارة البحث الجنائى  ورئيس فرع الأمن العام، والرائد أحمد عبد الحافظ رئيس مباحث مركز الشهداء ، وتم ضبط المتهمين جميعهم.