السيسي عن استيراد الغاز من إسرائيل: "دا القطاع الخاص وإحنا معندناش حاجة نخبيها"

قال الرئيس عبد الفتاح السيسي، أن القانون يحكم جميع المصريين واولهم رئيس الجمهورية، مؤكدا أن المناخ الجيد للمستثمر أصبح متوافر وبقدر كبير علي أرض مصر، مشيرا إلى أن الدولة مسؤولة عن تحسين مناخ الاستثمار ونجاحه.

وأضاف السيسي، في كلمته بافتتاح عدد من مراكز الاستثمار، انه لابد من تجميع الموقف بشكل متكامل حتي ولو كانت الحكومة مش طرف فيه، كموضوع استيراد الغاز من إسرائيل، دا القطاع الخاص اللى عمله، وإحنا معندناش حاجة نخبيها ونداريها، وزي ما أنا بتكلم بنفس الوضوح، بس اللي الشعب لازم يعرفه تقريبا منتجاتنا اللى بنستهلكها تتراوح ما بين 1.3 مليار إلى 800 مليون في الشهر من المشتقات البترولية، أي حوالي 12 مليار في العام.

وتابع السيسي، لو إحنا بنشترى بمليار ونصف دولار غاز من إسرائيل دا معناه إننا بنشترى بـ 125 مليون دولار شهريا، وعاوزين نحط الرقم دا ضمن فاتورة الاستهلاك في مصر، ومصر علشان تبقي مركز إقليمي للطاقة في الشرق الأوسط أمامها 3 خيارات، أولها أن تكون التسييلات تقام بها المراكز في قبرص أو مصر أو اسرائيل، ويتم انتاج الغاز من الحقول في شكل خامل.