شعبولا يرد على محمد علي بأغنية جديدة كلمات إسلام خليل (فيديو)
السبت، 14 سبتمبر 2019 01:08 م
طرح المطرب الشعبي شعبان عبد الرحيم أغنية جديدة بعنوان «محمد علي الكداب» كلمات الشاعر إسلام خليل، دعما للوطن، ولكشف الخونة والعملاء الذين استهوتهم الشياطين وباعوا أنفسهم وأوطانهم مقابل حفنة من الدولارات، ورضوا أن يكونوا مع الخوالف الذين طبع الله على قلوبهم.
وإلى نص الأغنية:
اللى معاه ربنا مش بيخاف من حد
والشعب المصرى وجيشه إيد واحدة بجد بجد
حتة ممثل فاشل ساقط ملوش ترتيب غلط فى مصر وجيشها ويستاهل التأديب
اسمه محمد على.. مش يعنى "على كلاي" دا حتة عيل فاسد وحرامى ورغاي
ولا نعرف مين بسلامته ولا حتى يطلع إيه؟
والنعمة أنا ما أعرفه ولا عمرى سمعت عليه
فيه ناس بيقولوا ممثل فشل وكان بيحاول.. ولما ملقاش فايدة راح واشتغل مقاول
هرب على البر التانى وده حلمه من زمان كان نفسه يروح يعيش فى جنة أردوغان
طب فاشل فى التمثيل وده كان من الأول باين
لكن اللى مكنش واضح إنك جاسوس وخاين
بأى حق يا فاسد تغلط فى جيش ورئيس
هو أنت فاكر الشعب هيسيبك يا خسيس
محدش خان البلد دى اللى لما وقع واتعرف
الجيش المصرى يا شاطر رمز الكرامة والشرف
الريس قالها مرة ..الجيش ده زى النار بلاش تقرب منه بجد أو هزار
فيه ناس ملقاش مزاج إن الفساد ينتهى
محمد على مين يا عم روح اتلهى
زعلان عشان ماعرفتش تسرق أو ترتشي
دا أبوك بنفسه طلع وقالك عيب اختشى
السيسي عشان كشفكم عاملين حرب عليه
دا فيه شعب 100 مليون واقفين جانبه وحواليه
محمد على يا أبو "كاكا" الدور جايلك يا خسيس
ما أنت اللى اركبت الناقة وشرخت مع الجواسيس
الجيش المصرى يا علوة مبيتعلبش عليه واسأل عشماوى يقولك الخاين أخرته إيه؟
