ذكرى ميلاد «ناصر»: «أنا شفت جمال» (فيديو)

الثلاثاء، 14 يناير 2020 01:00 م
ذكرى ميلاد «ناصر»: «أنا شفت جمال» (فيديو)
جمال عبدالناصر
عنتر عبداللطيف

 تحل غدا ذكرى ميلاد الزعيم الراحل جمال عبدالناصر الذى ولد في منزل بسيط من الطين يوم 15 يناير 1918 بشارع القنوات بحي باكوس في الإسكندرية وهو من أصول صعيدية وبالتحديد من قرية بنى مر بمحافظة أسيوط ، وقد عمل والده "حسين" في مكتب بريد باكوس، وتزوج من السيدة فهيمة، له أخوين أصغر منه.

في مرحلة الدراسة الثانوية، شارك "ناصر" في العديد من المظاهرات ضد الاحتلال البريطاني لمصر وعقب  دراسته الثانوية، درس لعدة أشهر في مدرسة الحقوق، ثم التحق بالمدرسة العسكرية الملكية وتخرج منها كملازمٍ ثاني والتحق بالخدمة فى السودان، ليلتقى بعض الضباط  ليؤسس حركة الضباط الأحرار التي بهدف طرد الاحتلال البريطانى والعائلة الملكية الفاسدة وعقب مشاركته فى معركة الفالوجة بفلسطين والعودة إلى مصر  وفي عام 1952 قاد " ناصر" ومجموعة من الضباط  ثورة 23 يوليو التى أطاحت بالملك فاروق وانهت الوجود البريطاني فى البلاد وحقق " ناصر" أهداف ثورته واستطاع بناء السد العالى الذى حمى مصر من مخاطر الجفاف والفيضان وكذلك وزع الأراضى الزراعية على الفلاحين فيما عرف بالاصلاح الزراعي.

غنى للزعيم الراحل كوكبة من نجوم الغناء من بينهم كوكب الشرق أم كلثوم وموسيقار الشرق محمد عبدالوهاب والعندليب عبدالحليم حافظ والشحروة صباح وهو ما نستعرضه بالفيديو فى السطور التالية:

غنى الراحل الكبير محمد عبدالوهاب من تلحينه وكلمات عبدالمنعم السباعي أغنية " تسلم يا غالي" وجاءت كلماتها كالتالي:

تسلم يا غالى الفين سلامة كانت ليالى مجد و كرامة

صحيت بلادك من نوم طويل و كان جهادك مالوش مثيل

كان مرادك ما تشوف ذليل

تحميك قلوبنا .. اصلك حبيبنا

تسلم تسلم تسلم يا غالى

قضيت شبابك سهران فى حيرة و فتحت بابك لأيام عسيرة

و زاد عذابك و لا جبت سيرة

تحميك قلوبنا .. اصلك حبيبنا

تسلم تسلم تسلم يا غالى

الدين هداية ، حب و وداد لا فيه جناية و لا فيه فساد

رب العناية نجى البلاد

تحميك قلوبنا .. اصلك حبيبنا

تسلم تسلم تسلم يا غالى

الوادى كله بالجيش سعيد من بعد ذله ذل الحديد

الشعب قال له : نصرك أكيد

تحميك قلوبنا .. اصلك حبيبنا

تسلم تسلم تسلم يا غالى

يا جيش جنودك أشجع جنود يا جيش عهودك أنبل عهود

من غير وجودك مالناش وجود

تحميك قلوبنا .. اصلك حبيبنا

تسلم تسلم تسلم يا غالى.

كما غنت أم كلثوم أغنية " بعد الصبر ما طال" من كلمات " بيرم التونسي" وألحان " رياض السنباطي" وتقول كلماتها:

بعد الصبر ما طال نهض الشرق وقال

حققنا الامال برياستك يا جمال

الشعب اللى رفع الراية لصلاح الدين

اودعها يمين عبد الناصر ويمينه يمين

السعد معاه والشعب وراه والله معين

النور اهولاح والقلب ارتاح والشر اهوزال

بعد الصبر ما طال حققنا الامال

برياستك يا جمال

ابطال الامة العربية بين المحيطين

هزتهم هزة وطنية بايديك الاتنين

الوحدة دى كانت امنية وشافتها العين

والامة اللى روحها قوية تفريقها محال

بعد الصبر ما طال حققنا الامال

برياستك يا جمال

الاخوة دى كانت وحدتهم امل الاحباب

من بعد ما طالت فرقتهم من غير اسباب

فى ساعة سعيدة وفى لحظة فتحوا الابواب

والشرق عليه طلعت شمسه وعلينا جلال

بعد الصبر ما طال حققنا الامال

برياستك يا جمال

الحب وحده بلغنا الامل المنشود

ووصلنا بالحب لوحده من غير مجهود

والحق عمره ما يتقسم فى خطوط وحدود

والحق تخضع له الدنيا حتى العزال

بعد الصبر ما طال حققنا الامال

برياستك يا جمال

وغنى العندليب الراحل عبدالحليم حافظ  أغنية "حكاية شعب" من كلمات أحمد شفيق كامل والحان كمال الطويل:
 
كورس :قلنا حنبنى و آدى احنا بنينا السد العالى

يا استعمار بنيناه بايدينا السد العال

من اموالنا بايد عمالنا هى الكلمة وآدى احنا بانينا

عبد الحليم : إخوانى.. تسمحولى بكلمة؟

كورس : هيه

عبد الحليم : الحكاية مش حكاية السد

حكاية الكفاح اللى ورا السد .. حكايتنا احنا

حكاية شعب للزحف المقدس قام وثار

شعب زاحف خطوته تولع شرار

شعب كافح وانكتب له الإنتصار .. تسمعوا الحكاية؟

كورس : بس قولها من البداية

عبد الحليم : هى حكاية حرب و تار بينا و بين الإستعمار

فاكرين لما الشعب اتغرب جوه فى بلده؟

كورس : آه فاكرين

عبد الحليم : والمحتل الغادر ينعم فيها لوحده؟

كورس : مش ناسيين

عبد الحليم: والمشانق للى رايح واللى جاى

ودم أحرارنا اللى راحوا فى دنشواى

كورس : آه فاكرين

عبد الحليم : من هنا كانت البداية.. وابتدا الشعب الحكاية

كان كفاحنا بنار جراحنا يكتبه دم الضحايا

كورس : وانتصرنا انتصرنا انتصرنا

عبد الحليم : انتصرنا يوم ما هب الجيش و ثار

يوم ما أشعلناها ثورة نور ونار

يوم ما أخرجنا الفساد.. يوم ما حررنا البلاد

يوم ما حققنا الجلاء

كورس : انتصرنا انتصرنا انتصرنا

عبد الحليم : رجعت الارض الحبيبة الطيبة لايدين صحابها

التقينا العز فيها والكنوز تايها فى ترابها

قلنا نلحق نبنى مستقبلها ونرجع شبابها

كورس : نعمل إيه؟

عبد الحليم : كان طبيعى نبص للنيل اللى أرواحنا فى إيديه

ميته فى البحر ضايعة والصحارى فى شوق إليه

قلنا نبنى سد عالى سد عالى سد عالي

بص الاستعمار صعب حالنا عليه .. ليه نرجع مجدنا ونعيده ليه؟

كورس : يعمل إيه؟

عبد الحليم : راح على البنك اللى بيساعد ويدى

قاله حاسب .... قالنا مالكمش عندى

كورس : قلنا إيه؟

عبد الحليم : كانت الصرخة القوية من الميدان فى اسكندرية

صرخة اطلقها جمال.. احنا أممنا القنال

كورس : احنا أممنا القنال.. احنا أممنا القنال

عبد الحليم: ضربة كانت من معلم

كورس : خلى الاستعمار يسلم

عبد الحليم : والحصار الاقتصادى

كورس : برضه ماذلش بلادى

عبد الحليم : جاب سلاحه وطياراته غواصاته ودباباته.. واعتدى علشان نسلم

كورس: هو مين؟ لأ ده بعده.. هو اللي اتلقى وعده

عبد الحليم : كنا نار أكلت جيوشهم .... نار تقول هل من مزيد

انتصرنا ولسه عارهم .... ذكرى فى تراب بورسعيد

والعروبة فى كل دار وقفت معانا

والشعوب الحرة جت على اللى عادانا

كورس : و انتصرنا انتصرنا انتصرنا

عبد الحليم : آدى حكاية الشعب .. شعب للزحف المقدس قام وثار

شعب زاحف خطوته تولع شرار .. شعب حقق له جمال الإنتصار

وانتصرنا انتصرنا انتصرنا

كما غنت الشحرورة "صباح" من كلمات مرسي جميل عزيز ألحان : محمد الموجي أغنية " أنا شفت جمال" وتقول كلماتها:

الموكب فات قدام بابنا على طول اتفتحت له قلوبنا

ده حبيبنا أبو السد العالي وقريبنا مش بس حبيبنا

ولا حد إلا لما شافه سمى .. أنا شفت جمال

والدنيا إحلوت أوي لما .. أنا شفت جمال

أنا شفت جمال حواليه ألوفات والأرض زهور والسما هتافات

وصغار وكبار صبيان وبنات ملو الشبابيك والبلكونات

أنا شفت جمال زى ماحبيت وشاورت عليه وناديت
 
 
 

 
لا توجد تعليقات على الخبر
اضف تعليق