شيري مجدي تنهار: أنا يتيمة ومحتاجة شغل فكرت في الانتحار لكن مش عايزة أموت كده

نشرت الفنانة الشابة شيري مجدي، فيديو بثته عبر خاصية الاستوري عبر حسابها الشخصي "الفيس بوك"، كما نشرته الفنانة منة جلال أيضاً عبر حسابها، وكانت شيري مجدي في حالة انهيار وبكاء شديد، وطلبت المساعدة في إيجاد فرصة عمل، لإنها في ضيقة كبيرة منذ 4 شهور.

وأضافت شيري مجدي عبر الاستوري" محتاجة الناس تقف جنبي، وأنها كلمت ناس محاولوش يساعدوها، وأنها يتيمة ومفيش شغل نهائي الفترة دي، وأنها مش عايزة تكون شمال، ومش عايزة حد يجبرها على حاجة، وأنها محتاجة شغل مع ناس محترمها مش بتشفق عليها".
 وتابعت شيري مجدي" أنا مش طالبة من حد حاجة غير اللي شايف إني شاطرة يخليني اشتغل، أنا كنت بفكر في الانتحار لكن خايفة مش عايزة أموت كده، مش قدامي أي حلول، عمري ما أذيت حد، وياريت اللي يساعدني ميحسسنيش أني قليلة"

 

وعلقت الفنانة منة جلال على مقطع الفيديو الخاص بشيري مجدي" شيري مجدي ممثلة شاطرة، ومش علشان معندهاش حد ولا وسطة تبقى كدة،، أنا نزلت الأستوري ده علشان عندي ناس كتير جداً، مخرجين ومنتجين وناس كتير في الوسط ممكن يساعدوها،، ويقفوا جنبها،، استغفر الله العظيم يارب".

لكن بعد انتشار الاستغاثة قامت شيري مجدي بحذف الفيديو،، وكتبت رسالة شكر لكل من تواصل معها قائلة" متشكرة جداً جداً لكل الناس اللي قاموا بالاتصال وكلموني واللي بيساعدوني،، واسفة لعدم ردي".

وأضافت شيري مجدي " أسفة على الفيديو لان كلنا لينا لحظة ضعف الطاقة بتخلص،، أنا شيلت الفيديو ومن فضلكوا اي حد نزل الفيديو عنده يشيله الموضوع كان خاص مكنتش حابة أنه ينتشر كده،، ومتشكرة جدا جداً لمحبتكم ودعمكم ليا،، ربنا يدبر أمورنا جميعاً".

وكانت أشهر أعمال الفنانة الشابة شيري مجدي دور عزة في بين السرايات، ودور فرح في مسلسل اسم مؤقت، ودور سمية في مسلسل قلوب، ودور أشواق في مسلسل رقم مجهول، كما شاركت شيري مجدي بأدوار بسيطة في مسلسل رجالة البيت بطولة أكرم حسني وأحمد فهمي، وظهرت في رمضان 2020 في مسلسل فرصة ثانية مع ياسمين صبري.

وشاركت شيري مجدي في مسلسل مليكة مع دينا الشربيني، ومسلسل طلعت روحي مع إنجي وجدان،  وفيلم أمن دولت، وفيلم توم و جيمي إخراج أكرم فريد.