وحاول السعد التواصل مع الإعلامى أحمد موسى فى البث المباشر لمطالبته بالتواصل مع المسئولين من أجل مطالبة الرئيس عبد الفتاح السيسي بالظهور أمام الشعب المصرى للتعليق على الحشود التي اجتاحت الميادين المصرية لدعمه وتأييده في كل القرارات التي تتعلق بمستقبل الشعب المصري، قائلاً "حد يبلغ الريس يطلع على أى شاشة ينور الدنيا".
وقال السعد في الفيديو الذى ظهر فيه: "المنظر دا ميخرجش إلا لجمال عبد الناصر وللسيسى بس الجماعة التانين ماتوا خلاص"، فى إشارة إلى محاولات الجماعة الإرهابية وقنواتهم التحريضية المتكررة، والتى تنتهى بالفشل الذريع فى زعزعة استقرار الدولة المصرية.
وأضاف السعد قائلاً: "الليلة عرفتوا مين اللى بيحمى مصر، دا الشعب المصرى هو الجيش، شعب مالوش مثيل، انتوا يا جماعة يالى فى البلاد التانية مش هنعرف نشرحلكم أزاى الشعب المصرى والجيش المصرى مع بعض، مش هنعرف نشرحها لو جبنا فلاسفة العالم علشان نفهم الناس العلاقة إلى ما بين الشعب المصرى والجيش وإزاى حصل ما بينهم اتحادات مش هيعرفوا يشرحولكم"، متابعاً: "لو الرئيس السيسي ظهر هيكون فى 100 مليون واحد فى الشارع فى حبه".
وقال أشرف السعد: "وأنا بطلع في الروح هقول أشهد أن لا إله إلا الله وأشهد أن محمد رسول الله وأشهد أن جيش مصر خير أجناد الأرض.. هقول كده والله العظيم، وهاكون خايف لو موقفتش مع بلدى".
وأضاف رجل الأعمال أشرف السعد على هامش احتفالاته بنصر أكتوبر العظيم فى بث مباشر على حسابه الشخصى عبر "فيس بوك" مساء الجمعة: "الجيش المصرى خير أجناد الأرض وده مش حديث، لكن إحنا المصريين مصنفين جيشنا بأنه خير أجناد الأرض، حد حط خط أحمر لـ أردوغان غير الجيش المصرى، العالم كله اجتمع امبارح عشان يهددوا أردوغان.. لكن الرئيس السيسي قال بمنتهى الأدب من فضلك الجيش خليكم جاهزين عشان ممكن نطلع نجيب حد فى الشوال ونيجى.. راح أردوغان خد العيال الإرهابيين ومشي... إحنا بتوع الخط الأحمر".
تابع :"مش أردوغان طلع من حوالي شهرين، وقال يجب أن ندخل سيرت، تاني يوم الصبح طلع الرئيس السيسي وقال سرت خط أحمر هتيجى فيها أجيبك فى شوال، ومن يومها مجبش سيرتها تانى.. وأردوغان جبان".
الشعب يثق في الرئيس السيسي
وأكد رجل الأعمال المصرى، أن الشعب المصرى يثق في الرئيس السيسى وقيادات الدولة، مشيرا إلى محاولات قناة الجزيرة وقنوات الإخوان الإرهابية في بث الفوضى عن طريق المال القطرى.
وقال أشرف السعد، موجها كلامه إلى قناة الجزيرة ودعواتها التحريضية:"عاوزين تخربوا مصر أنتم عبط أوى.. والله العظيم ومن أنزل هذا الكتاب لو الرئيس السيسى قال مصر هينزل 100 مليون، أنتم لسه يا بتوع الجزيرة ما عندكوش دم للدرجة دى.. ده الدعوة كانت إمبارح ومش مترتبة من زمان"، وأضاف:"النهاردة عيد مش عاوزين نتكلم فى أى حاجة.. عاوزين نفرح كده".
وأوضح، أن قنوات الإخوان الإرهابية تمول من المال القطرى، موضحا أنهم يتحدثون في العديد من الموضوعات التي لا يفقهون فيها شيئا، قائلاً:"العيال ده قطر بتمويلهم وعاملين يتكلموا على الديون ويطلعوا يقولو أي كلام وعاملين يقولوا مديونية مصر وصلت لحد كام والشعب مش فاهم الموضوع، طيب أمريكا أكبر دولة فى العالم مديونة".
جيشنا معيشنا فى أمان
وقال رجل الأعمال المصرى المقيم فى العاصمة البريطانية لندن، :"أنا حضرت الدينار العراقى بيتباع بالميزان، العملة الوحيدة اللى قيمتها موجودة تخش أي مكان تشترى أي حاجة دلوقتى الجنيه، لوعرضت على واحد وقولت له هجبلك متر أرض فى سوريا الآن اللى كان بـ50 ألف جنيه ودلوقتى بألف جنيه هيقلك هعمل به ايه".
وأضاف أن الدولة تعمل على تقنين الأراضى فى مصر، قائلاً: "اللى يبينى على أرض مش بتاعته الدولة بتقنن الأرض دلوقتى.. كل رملة فى مصر تساوى فلوس هو ده الفرق بين الدولة القوية والدولة الضعيفة، العملة تروح تشترى بيها فى أى وقت على عكس أى دولة أخرى".
وأوضح:"البلاد اللى سقطت دى زى اليمن والعراق وسوريا وليبيا، تعالى أقولك هديك قصر كان بـ 20 مليون دولار وهيدهولك بـ 100 ألف جنيه.. هتقول لا هيحصل حرب هناك هيدكوه.. عندنا لا"، وتابع قائلاً:"جيشنا معيشنا فى أمان والعيال اللى عاوزه مصر تبقى زى ليبيا الجيش أداهم على دماغهم.. الجيش أعطى لنا قيمة".
