بالفيديو.. فاروق جعفر عن مرتضى منصور: "البلد سايباه ومحدش بيحاسبه"

شن الكابتن فاروق جعفر، هجومًا حادًا على المستشار مرتضى منصور رئيس نادي الزمالك، بعد الأزمة الأخيرة التي اشتعلت بينه وبين كل من أحمد حسام "ميدو" المدير الفني السابق للفريق وحازم إمام مدير الكرة السابق.

وقال "جعفر" خلال اتصال هاتفي مع الإعلامي "عمرو أديب" ببرنامج "القاهرة اليوم" المذاع على فضائية "اليوم": "الزمالك واخد الدوري بـ 4 مدربين والسنة دي لحد دلوقتي مغير 5 مدربين".

وأضاف "في واحد بيدير النادي بيقطع في رموزه، حمادة إمام هو اللي خلانا نعرف نادي الزمالك، يطلع يقول عملت العزا بتاعه بـ 300 ألف جنيه، ده كلام يتقال محمود طاهر ممكن يقول كده أو الكابتن الراحل صالح سليم".

وتابع " ده واحد بيجرح في كل الناس وبيدوس على رموزه ومحدش بيقوله عيب، الناس دي خدمت النادي، يعني ميدو لعب في اكبر اندية في العالم يتقال عنه الالفاظ دي، والبلد سيباه ومحدش بيحاسبه او يقوله عيب".