بالفيديو.. رئيس الزمالك «التحكيم الفاجر منح الأهلي التعادل امام المحلة»

يرى مرتضى منصور رئيس نادي الزمالك، أن الأهلي استطاع تحقيق التعادل امام غزل المحلة في الوقت بدل الضائع بسبب التحكيم فقط، وليس بسبب أداء لاعبيه.

وقال رئيس الزمالك في تصريحات عبر الموقع الرسمي لناديه «التحكيم الفاجر هوه اللي ساعد الأهلي في نقطة التعادل امام اسوان .. اول مره اشوف وقت بدل ضائع ربع شوط لوحده .. وكمان ضربة جزاء .. وفيه لاعب من الأهلي ضرب دكتور المحلة».

واضاف رئيس القلعة البيضاء للاعبيه «الدوري بتاعكم ان شاء الله ، اول نقطتين من الـ 7 نقاط الفرق بيننا وبين الأهلي ضاعوا .. الماتش الجاري حيبقى الفارق نقطتين فقط من خلال الروح القتالية الموجودة حالياً».

وتابع «انتوا لعبتوا مباراة جيدة امام اسوان ، وتعبتوا في الشوط الثاني لأن انتوا بذلتوا جهد غير طبيعي وده أثر على الأداء في نهاية اللقاء»، واضاف ضاحكاً «مش حقول ان محمد صلاح افضل مدير فني في مصر».

واستكمل حديثه الموجه لمدرب الزمالك « الراجل ده محترم جدا .. ورغم انه عارف بتفاوض وفد من الزمالك مع مدربين اجانب إلا انه شغال كويس هوه وجهازه المعاون .. وحيفضلوا موجودين في النادي الفترة الجاية».

ووجه رئيس النادي الأبيض كلمة خاصة لاحمد توفيق قائلاً «مستواك رجع بقوة في مباراة اسوان .. وهوه ده احمد توفيق اللي انا اعرفه كويس .. وانتهاء الأزمة المتعلقة بالتجنيد هى السبب في رجوع مستواك مرة أخرى».