رسالة اعتذار من ميريهان حسين لوالدتها في «عيد الأم»

وجهت الفنانة ميريهان حسين، رسالة إعتذار كبيرة لوالدتها بسبب ما حدث الأسابيع الماضية لها، وعن كلام الناس الذي جرح مشاعرها.

ونشرت حسين، عبر صفحتها الرسمية بموقع الصور «انستجرام» صورة تجمعها بوالدتها، معلقة عليها قائلة «أمى... النهاردة أنا عايزة أقولك كلمة واحدة. آسفة، أنا آسفة إنى السبب فى حزنك اللى بتخبيه عشان أنا ماكنش حزينة... آسفة إنى اخترت طريق كان السبب إنه يسمح لناس تجرح وتظلم وتتهم وتحكم وأعوذ بالله من حكم النفس على النفس.. آسفة بالنيابة عن كل إنسان وبعيدها تانى (إنسان) حكم على رد فعل وقرر إنه فعل وجرح مشاعرك بسببى.

واضافت قائلة: «آسفة إنى مش قادرة احققلك فرحتك يا أمى ورغم كل ده بتقولى إن أنا فرحتك، انتى اللى فرحتى وراحة قلبى ونفسى... انتى الحب الحقيقى والأمان والحياة... من غيرك مفيش حب مفيش حياة».

واختتمت كلامها قائلة «ربنا يخليكى ليا لآخر يوم فى عمرى ويقدرنى أسعد قلبك ربع ما بتسعدينا كلنا، كل سنة وانتى نور حياتى يا حياتى».