أغبى «10» أسئلة للمصريين تصيبك بـ«الشلل»
الخميس، 21 أبريل 2016 12:11 م
تداول نشطاء على مواقع التواصل الاجتماعي نماذج لأغبى الأسئلة التي يطرحها المصريون على بعضهم البعض وإجابتها أيضًا، مما أدى إلى سخرية وضحك الجميع، واعترافهم بالفعل بسؤالهم لتلك الأسئلة الغبية وباستمرار.
لذلك قمنا بتجميع بعض من هذه الأسئلة نقدمها لكم في السطور التالية..
1- واحد واقف في الدور الأرضي مستني الأسانسير يسألوه «انت طالع فوق؟».
-لا حضرتك انا مستني الشقة تنزلي.
2- واحد نايم على السرير ومغمض عنيه ويسالوه «انت هتنام؟».
-لا أبدًا أنا بحاول يغمى عليا.
3- طالعين من المسجد بعد صلاة الجمعة ويسألوك «خلصتوا صلاة؟».
-لا الإمام مدينا فسحة.
4- يشوفو عربيتك مخبوطة ويسألوك «دي حادثة؟».
-لا والله عاملها نيولوك.
5- يشوفوك طالع من الحمام مبلول ويقولولك «استحميت؟».
-لا أنا طالع من البحر.
6- صاحبك شايفك بتكح وعندك زكام ويسألك «انت تعبان؟».
- لا أنا بستهبل.
7- صاحبك بيكلمك على تليفون البيت ويسألك «انت في البيت؟».
-لا واخد سلك التليفون وبتفسح بيه.
8-تبقى في الحمام ويسألوك «بتعمل ايه؟».
- بلعب بلاي ستيشن.
9-تبقى لسه داخل من باب الشقة ويسألوك «انت جيت؟».
-لا لسه جاي في الطريق.
10- تكون لابس هدومك ونازل من الشقة ويسألوك «انت خارج؟».
-لا أنا بجرب الجزمة.
