مرتضى منصور: «مش أحمد ابنى اللى ياخد فلوس يا عبد الرحيم»

هاجم المستشار مرتضي منصور رئيس نادى الزمالك ووالد المرشح عن دائرة الدقى والعجوزة أحمد مرتضى منصور، منافسة بذات الدائرة عبدالرحيم على، قائلا: "مش أحمد ابنى اللى ياخد فلوس، انت غلطت وفى حساب عسير بينى وبينك".

وأضاف منصور، فى تصريحات صحفية خلال تواجده باللجنة العامة لدائرة الدقى والعجوزة بالمتحف الزراعى، "ياعبدالرحيم اللى عملته سقطة كبيرة وهتتحاسب عليها وعاملك مفاجأة كبيرة بعد الانتخابات ولما تشوفها هتزعل".

وأردف رئيس نادي الزمالك: "عيب ياعبدالرحيم تقول أن أحمد اتصرف عليه ٢٠ مليون جنيه، المفاجأة بعد الانتخابات، هيندم عليها بعد الانتخابات، ومش عايز أتكلم أكتر من كده عشان الصداقة اللى بينى وبينه".

وتابع منصور: "سنة ٩٠ فى نفس المكان آمال عثمان زورت الانتخابات ضدى وعيطت وقالت أعيد معاها، لأول مرة يكون فى انتخابات محترمة من ساعة ما وعيت على الانتخابات، اشتكيت ناجى شحاتة رسمى للجنة العليا للانتخابات لأن الراجل اللى اشتكانى مجتش جنبه، الغلابة اللى نزلت مش البشوات اللى مصدعانا فى التليفزيون " .