"ميدو" يشن هجوما علي منتقديه بسبب "صلاح"

شن أحمد حسام "ميدو" المدير الفني للفريق الأول لكرة القدم بنادي الإسماعيلي، هجوما علي منتقديه، عندما تحدث عن الدولي محمد صلاح، المحترف في صفوف روما الإيطالي، في برنامج "المتاهة"، مع الإعلامية وفاء الكيلاني، وقال أنه يفتقد "الكريزما" داخل الملعب.
كتب "ميدو" عبر صفحته الشخصية علي موقع التواصل الإجتماعي "تويتر" قائلا: يعني ايه واحد عنده كاريزما؟؟ يعني واحد شغال في مجال ويخلي الناس اللي مش مهتمه بالمجال ده تهتم بيه وبأخباره الشخصية!!
وأضاف المدير الفني للدراويش: يعني ممكن لاعيب كويس يقدر يخلي حتى الناس اللي مالهاش في الكورة حريصة على متابعة اخباره زي بيكهام مثلا
مشيرا الي أنه قال: وفيه لاعيب جامد جدا بس ماعندوش الكاريزما اللي تخلي ناس مالهاش في الكورة عايزة تتابع اخباره زي ريفالدو مثلا!!
واختتم "ميدو" كلامه قائلا: عموما قمة النجاح انك تقول كلمة وتخلي الناس كلها تختلف عليها وهو ده الهدف من الظهور الإعلامي!!