«فراج»: محمود حسين أحد 3 أشخاص بيديروا أكبر جماعة معارضة للنظام في مصر

هاجم عمرو فراج مؤسس شبكة رصد الإخوانية والهارب بالخارج، محمود حسين الأمين العام للجماعة، عقب تصريحاته أمس السبت، على قناة الجزيزة القطرية.

وكتب «فراج» في بيان له عبر صفحته الرسمية على موقع التواصل الاجتماعي «فيس بوك»، قائلًا: "طيب يعني الواحد يضحك ولا يعيط ولا يعمل إيه على الناس دي، يعني دلوقتي صحابنا اللي في السجون دي مفروض تطلع ازاي بالكلام اللي سمعناه من شوية ده، الراجل ده يا إخوانا أحد 3 أشخاص بيديروا أكبر جماعة معارضة للنظام في مصر".

وتابع: "أحد 3 أشخاص مفترض أن من مسؤولياتهم الرئيسية إدارة موارد الجماعة المالية والبشرية وعلاقاتها وهيكلها لتعديل الوضع الحالي وإخراج 40 ألف معتقل قبل ما يموتوا، مفروض الراجل ده هو اللي يوجهنا ويحركنا بصفته الإدارية دي، طيب الأداء ابن..... ده اللي شفناه من شوية تفتكروا ينفع يكون سبب في أي حل هايحصل!!".

وأضاف مؤسس شبكة رصد الإخوانية، "ما اظنش هاعرف أشوف صحابي اللي في السجن خلال الشهور الجاية للأسف، ما بقاش فيه أمل أنه يفرج عنهم إلا بإرادة ربنا فقط، مافيش أي سبب بشري تاني ممكن يكون له تأثير في خروجهم، بسبب سوء إدارة الراجل ده، ربنا ينتقم من كل مسؤول متهاون بيحاول فقط ينتصر لنفسه ولرأيه، أهم حاجة عند الراجل ده هو التنظيم، أهم من أفراد هذا التنظيم وأهم من البلد والدم والوقت المهدر والفلوس اللي بتضيع والأمراض اللي بتجيلنا كلنا بسبب الوضع ده، بقاء التنظيم أهم من بقائه هو نفسه عبد التنظيم".