هنادى مهنا: "امي وصتني اكوي ملابس زوجي واهتم بكل تفاصيله"

الأربعاء، 29 يونيو 2022 01:09 م
هنادى مهنا: "امي وصتني اكوي ملابس زوجي واهتم بكل تفاصيله"
هنادى مهنا
ريهام عاطف

كشفت الفنانة هنادي مهنى، الكثير من تفاصيل حياتها الخاصة ودخولها المجال الفني، وذلك خلال لقائها ببرنامج كلمة أخيرة مع الإعلامية لميس الحديدى ، المذاع عبر فضائية «ON»، لتتصدر هنادي مهنا التريند علي محرك البحث جوجل.
 
هنادي بالبرنامج
هنادي بالبرنامج
 
بداية التمثيل
وقالت الفنانة هنادى مهنا، عن بداية دخولها عالم الفن "لما اشتغلت ممثلة مكنتش مستوعبة طبيعة الشغلانة، وأن الشغل موسمي ممكن يبقى مكثف شهرين متتالين ثم شهرين أخرين قاعدين في البيت مش بنعمل حاجة، ودي كان إحساس غريب، وكنت بقول فيه حاجة غلط لاني متعودة على الشغل اليومي، وأني أنام وأصحى عشان ورايا شغل".
 
وتابعت: "رغم كدة وأول ما مثلت الدنيا مامشيتش أوي فضلت سنتين أشتغل ومافيش حاجة تتذاع لحد أول عمل وهو افراح إبليس اللي لسه معروض قريب رغم الانتهاء من تصويره منذ فترة طويلة، وعملت كمان فيلم ووقف كل ده سببلي في فترة من الفترات عملي إكتئاب وكنت قاعدة في البيت فقعدت أكل".
 
كما كشفت هنادي عن  أن جمهور السوشيال ميديا وقتها انتقدها وكان حقهم قائلة: الأعمال اللي كنت بصورها ومش بتنزل كنت بحط فيديوهات من الكواليس على إنستجرام والناس تقلي فين الأعمال إنتي بتصوري لنفسك ولا إيه"وتابعت: "أنا في الأساس شكلي كان زي الآن بعد فقد الوزن، لكن الفترة دي كانت سبب في زيادة وزني حينها".
 
معاناتها مع اللغة العربية
وعن معاناتها مع اللغة العربية، كشفت الفنانة هنادي مهنا، أنها تعاني كثيرا لعدم أدقانها اللغة العربية خاصة في البدايات، مشيرة ؟إلى أنها حاليًا تتعلم كتابة اللغة العربية، قائلة: "بتكلم 3 لغات غير العربي، أسباني وفرنساوي وإنجليزي"، لافتة إلى أنها لا ترسل رسائل باللغة العربية، وتحاول تعلم الكتابة بالعربي، لكن تعرف تقرأه، بينما تلخبط بين الصاد والسين، والقاف والكاف، الذال والزين والظاء، قائلة: "دول صعبين جدًا، ويمكن صعبين علشان ببدأ متأخر وعمري ما أخدت دروس عربي وأنا صغيرة، وأنا فخورة بنفسي".
 
الفنانة هنادي مهنا
الفنانة هنادي مهنا
 
ويرجع السبب في ذلك إلي والدتها قائلة و"الدتي فرنساوية، وكانت كل اللغة في البيت بالفرنسية، والسكريبت بعرف أقراه لو مكتوب بالإنجليزي في الأول كنت بجيب حد يقرأ لي وأكتب السكريبت بالفرانكو وأحفظ بالفرانكو، لكن دلوقتي بقيت أقرأ الاسكريبت بالعربي، وأنا بدأت بالصعيدي وبحبها جدا، وعملت أفراح إبليس ولما حد بيقول كلمة غلط بالصعيدي بترن وكأنها لغتي الأم".
 
وعن أعمالها الفنية أشارت هنادي مهنا إلى أنها تشاهدها جيدا لتتعلم منها "لما بتفرج على شغلي بتعلم منه، وأشوف إيه اللى ماعجبنيش وما أعملوش تاني، مثلا أنى بتكلم بسرعة وباخد كورسات".
 
خطوط حمراء 

وأكدت هنادي مهنا، أن لديها خطوط حمراء في الأدوار التي تؤديها: "عندي خطوط حمراء زي أي حد بس براعي في الآخر أني بشتغل في مجتمع مصري وبتخيل شعورهم وهما بيشوفوا أي فنان في التليفزيون المفروض هو قدوة وفيه ناس ممكن تقلد فأتمنى دائماً أكون قدوة للأسر تجاه أبنائهم ومش عاوزة أعمل حاجة تضايقهم أو تكون مختلفة عن مجتمعهم".

 

الفنانة هنادى مهنا
الفنانة هنادى مهنا

هنادي وزوجها
قالت هنادي مهنا أن والدتها أوصتها علي زوجها الفنان أحمد خالد صالح قبل الزواج وقالت "امي وصتني اكوي ملابس زوجي، واهتم بكل تفاصيله، واطبخ لزوجي وجبات واطعمة يحبها".
 
وخلال اللقاء سخرت الفنانة هنادي مهنا، من شائعات إنفصالها عن زوجها أحمد خالد صالح، قائلة " الموضوع مضحك  وبيضحكني أوي، وقلت كويس أنهم مشغولين في الكلام وده، ومتخيلين أن بينا خلافات أحسن مايحسدونا ".
 
ورداً على سؤال الاعلامية لميس الحديدي هل  تشعر بالغيرة على زوجها،  تابعت خلال  لقاء لبرنامج " كلمة أخيرة  " الذي تقدمه الاعلامية لميس الحديدي على شاشة  ON"، أن : أكيد زي كل البني أدمين  بس مش  بتخانق وهو بيغير عليا في حدود الطبيعي،  ‏و أحمد خالد صالح مش بيقولي ستو أنا رغم إن الناس كلها بتقولي كده‏".
 
هنادي مهنا وزوجها
هنادي مهنا وزوجها
 
وكشفت أنها  أحيانا تقوم بفتح موبايل زوجها لكن ليس  لشيء سوى لاخذ صور بعينها  أو خلاف ذلك وأن "
وردا علي سؤال : تعملان سوياً في المجال الفني،  هل لو نجح أحدكما  أكثر من الاخر  من الممكن أن يولد غيرة، قالت : " بالعكس  مافيش مجال للمنافسة بين راجل وست لكن على أية حال أتمنى أني نجح أكتر وببقى فرحانه لما ينزله حاجه وبكون متحمسه في دعمه   وكأن الدور لي ".
 
 وعن علاقتها بوالديها قالت هنادي مهنا : طول عمرى بنت أبويا انا اصغر أخواتى، وأى مشكلة واخدة صف بابا، وحتى لو غلطان، محدش يزعله، وبعرف شغل بابا في أي عمل وبشوف صوابعة وهو بيعزف ،  لكن لما اتجوزت بدات أفهم قد أيه الست بتتعب، وماكنتش شايفة تعب الست غير لما اتجوزت وبقيت قريبة جدا من ماما.
 
هنادي مهنا ووالدتها
هنادي مهنا ووالدتها
 
وتابعت: احترمت والدتى جدا، وخصوصا أنها سابت بلدها وجت بلد ما تعرفهاش بلغة هي ما تعرفهاش، وهى ما زالت عايشة في مصر إلى الآن، هي فرنساوية ، ست جدعة مصرية أصيلة، اتعلمت منها حاجات كثيرة، لكن دلوقتى أنا بقولها، وزوجى بقى كويس جدا في الفرنساوى، وهى دائما بتنصحنى بالحاجات العادية لازم يبقى في أكل على طول في البيت، ولازم تكوى فانلاته وهى بتقعد لو أنا مش في البيت تعمل كل حاجة، ولو ما لحقتش أعمل الفطار تروح تعمل الفطار ،وكل حاجة كأنى في البيت بالظبط.
 
كما أكدت هنادي مهنا عن مستقبلها قائلة "عاوزة أكون في حتة أنا مبسوطة فيها ، ومأجلين البيبى شوية لأنى أصلا بيبى".
 
السوشيال ميديا 
قالت الفنانة هنادي مهنا ، إن ضغط المجتمع عبر السوشيال ميديا، وبالاخص الانستجرام لوضع معايير ضاغطة على الفتيات من ناحية الشكل أمر سيء للغاية.
 
تابعت هنادي مهنا، أن :إنستجرام بالذات 99% كل الصور الي فيه مش حقيقية كله فوتوشوب وفلتر، ورغم ذلك انا بالنسبة لي مش مهم الشكل ولا الرشاقة  ولا غيره أهم شيء يبقى الانسان مبسوط من جواه وهوا بيبص لنفسه  في المراية مش مهم رأي حد تاني. 
 
طاقة ايجابية 
أكدت الفنانة هنادي مهنا، أن دورها في مسلسل " مكتوب عليا " قفزة في مسيرتها الفنية،  وأنه يمثل الكثير لها  كونه السبب في منحها طاقة إيجابية وفرحة غير عادية ، وتابعت هنادي مهنا قاتلة :"أنا شغالة في المسلسل ده كنت بقلهم  أنا جاية أتعالج عندكم نفسياً من كتر الفرحة والطاقة الايجابية.
 
هنادي مهنا في مكتوب عليا
هنادي مهنا في مكتوب عليا
 
ونفت الفنانة هنادي مهنا، أن يكون الجمال عامل وعنصراً  مهماً لبوابة النجومية في المجال الفني، قائلة : " مالوش علاقة بالجمال لكن بالشطارة والخبرة والروح  ، والاساس في الجمال أن يكون ذلك من الداخل قبل أن يكون في الظاهر  والمهم يكون جميل من جواه والي جوه هو الي بيوصل  للناس".
 
أنقاص الوزن
أكدت الفنانة هنادي مهنا، أن أكتسابها للوزن كان لفترة مؤقتة، ولم يكن ضمن ملامح شخصيتها في السابق معلقة: "جربت حاجات كتيرة جداً، وماخستش، فرحت لدكتور، وايا ما كان ما فعلته عند الدكتور عشان أخس، لكن الموضوع في النهاية مكنش إستسهال، وقبل الخطوة دي عملت كل حاجة، دايت ورياضة لكن إضطريت في النهاية لتدخل الطبيب، ومش شرط يكون جراحة في أساليب كتيرة جداً للتخسيس."
 
هنادي بعد الرجيم
هنادي بعد الرجيم
 
وعن سر رشاقتها وخسارتها لوزنها قالت الفنانة هنادي مهنا: "كلنا بنروح في فترات إكتئاب أو ضغط، ووزنه بيزيد مش بيعرف ياخد باله من نفسه أو بتخليه ياكل  كتير، وأنا عايشة في أسبانيا وقت الجامعة كنت بتحرك كتير أوي، ومكنش فيه حد بيطبخ فكنت رشيقة ، ولما جيت مصر كان فيه دلع كتير أوي، ومحشي وحمام ومسقعة، ودي حاجات ماينفعش تتساب وماتتكلش".
 
وأكملت هنادي مهنا: "كنت بدرس في أسبانيا مجال هندسة الصوت في الموسيقى، لاني كنت بحب المزيكا أوي، وكان حلمي أني أغني قبل التمثيل واكتسبت ده من الجينات من أبويا، ولما جيت مصر اشتغلت مدرسة، ودرست كذا حاجة وكنت فاتحة شركة مع بابا، وأنا بحب أشتغل من صغري، ومش بحب أقعد في البيت، ومش بعرف أقعد في البيت".

 

لا توجد تعليقات على الخبر
اضف تعليق