إلهام عبد البديع: أنا أكبر من زوجي بـ 8 سنين وعانيت من الأكتئاب أكتر من مرة وحاولت الانتحار وأصبت بالشلل

كشفت الفنانة إلهام عبد البديع، عن الكثير من تفاصيل حياتها الخاصة، وفارق السن بينها وبين زوجها الملحن وليد سامي، وكيف أنها تعرضت للأكتئاب أكثر من مرة، للعديد من الأسباب، لتتصدر إلهام بديع، التريند. 

 

 

إلهام عبد البديع وزوجها

علقت الفنانة إلهام عبد البديع، خلال حوارها ببرنامج "نص الكلام"، المذاع عبر فضائية النهار، عن زواجها وفارق السن بينها وبين زوجها قائلة: "أنا أكبر منه بـ 8 سنين، وفي الأول خالص مكنتش أعرف فرق السن اللي بينا، وأول ما عرفت اتلخبطت جدًا، وبحاول أقول لنفسي قدري ظروفه في الوقت ده، وبحاول أديله مساحته، عايزاه يعيش كل حاجة، وبيحترمني وبحترمه جدًا، وناس كتير أوي قالت إن دي حاجة كارثية، وإحنا لما بنكبر يبقي تفكيرنا أنضج".

 

وأضافت قائلة: "أهله في الأول كان عندهم علامة استفهام، وشكلي ميدلش إني أكبر منه، وشكلنا قريبين من بعض، وأهلي كلهم كانوا معترضين، وكانوا خايفين من التجربة، لأن إحنا في الأول متفقناش، ومش بحب أكون لوحدي".

 

 

وعن بداية علاقتهم، قالت إلهام عبد البديع: "أكتر حاجة بتضايقني من وليد زوجي، إنه بيتكلم وفيه ناس وده مينفعش لإني ممثلة، وهو مكنش فاهمني في الأول، لكن كان متمسك بيا وحاول كتير علشاني".

 

أدوار الأغراء وإلهام عبد البديع

 

وعن أدوار الإغراء، قالت إلهام عبد البديع: "الإغراء نوعين، ببصة وحركة وحاجات بسيطة، بس أنا مبعملش الحاجات ديه، وأظن إن هي مبقتش تتعمل في مصر زي زمان، والناس مش متقبله ده كمان، وبحاول أراعي ده، وأخد بالي من أدواري، واتعرض عليا بطولة مع مخرج كبير جدًا، وأول مشهد في السرير، أنا بصيت على المشهد اعترضت على الفيلم كله، ولو كنت عملت الفيلم كان زماني رقم 1".

 

أكتئاب إلهام عبد البديع

 

وعن أصابتها بالأكتئاب أكثر من مرة، قالت الفنانة إلهام عبد البديع: "أصبت بالاكتئاب فعلا عندما توفيت جدتي، لأنها كانت كل حاجة في حياتي وعقلي مكنش مستوعب إن في يوم من الأيام هتموت، وبالفعل حاولت الأنتحار، والمرة الثانية التي أصبت فيها بالاكتئاب، كانت بعد مسلسل ولاد تسعة علشان تعمقت في الشخصية، وبعدها جاتلي نوبة اكتئاب تاني بس أقوى، وحصلي شبه شلل بسيط، والحمد لله الدكتور أنقذني".