ابراهيم سعيد لـ«زوجته»: «هحاسب البلطجية والبادى اظلم»

تفاقمت الأزمة بين إبراهيم سعيد، لاعب نادى الأهلى والزمالك السابق، والمدرب الفني لنادي جولدي حاليا، بينه وبين زوجته الثالثة «شهد عبد الله»، بعدما قامت برفع قضية خلع عليه، والاستيلاء على محتويات شقتهم بالمعادي حسبما إدعي «سعيد».

قال «سعيد» في تغريده له عبر موقع التواصل «تويتر»: «لما يتم القبض على جميع البلطجية الذين استولوا على كافة ممتلكاتي وسرقوا أموالي مش هرحمهم، مفيش تهاون مع المجرمين بإذن الله وهحبسهم».

وأضاف: «من لا يرحم لا يرحم والعين بالعين والسن بالسن والبادي أظلم ومفيش تهاون مع شوية مجرمين أوباش ملهمش لازمة غير بلطجة وسرقة، أنا مش بلطجي والله أنا مش كده عشان أنا بحترم البلد دي وعايزها أفضل حال ولو كده مكنتش صبرت كل ده».

وتابع «سعيد»: «إيه حوار البلد مش هتجيبلي حقي ده مش فاهم بصراحة، مصر بلد الأمن والأمان مش بلطجة وبالدراع ومنتظر حقي من البلد».

وعلق له أحمد بدوي: «حقك مش هايجي إلا بالدراع... هات ناس ع نفس أشكالهم وهما يخلصو الحوار.. الدولة عارفة وعاملة من بنها».. فرد عليه «سعيد»: «مش هجيبه بالدراع أقسم بالله أقطع دراعي يعني وأخلص وهشوف مصر أم الدنيا ولا لا».