عمرو سلامة: عن فيلمه الجديد «الشيخ جاكسون»: أشعر وكأنه أول تجاربي

وصف المخرج عمرو سلامة، علاقته بفيلمه الجديد «الشيخ جاكسون»، بأنه يشعر كاْنه أول أفلامه بالرغم من كونه الفيلم الخامس له في مسيرته السينمائية، مشيرًا إلى أن إيمانه بهذا العمل واقتناعه به جعله يتكتم عن نشر أية تفاصيل خاصة به، حتي لا يكشف لجمهوره المفاجأة التي سيقدمها هذا العمل لهم.

وكتب«سلامة» عبر صفحته الشخصية على موقع التواصل الاجتماعي «فيس بوك»، قائلًا:« في أعمال الواحد وهو بيشتغلها كل اللي بيفكر فيه إيه اْنواع المهن اللي ممكن يشتغلها لو ساب مهنة الإخراج من كثر ما بيكره التجربة، وفي اْعمال الواحد بيشتغلها وهو بيحبها وبيعيش معاها كإن مراته حامل وبيعد الأيام علشان يشوف المولود ده بيتولد ويطلع للنور، وانا بصور دلوقتي "الشيخ جاكسون" مش حاسس حتى بالشعور الأخير، لا، كل اللي مسيطر عليا هو فكرة إني لازم أفضل في الحياة لحد ما أخلصه، من كثر ما بحبه وعايز أحكيه واوريه للناس خايف يحصل أي مفاجاة أو صدفة تخليه مايخلصش زي ما انا عايزه».

وأكد في ختام تعليقه على أن ما كتبه، ليس الهدف منه الدعاية، قائلًا: "ده مش كلام دعاية، بجد، ده فضفضة تستحق هي كمان إنها تتحكي، وعلشان كده كتبت من كام يوم لو مش بتحب شغلك استقيل».

يذكر أن «الشيخ جاكسون»، من بطولة أحمد الفيشاوي، ودرة، وأحمد مالك، وماجد الكدواني، ومن تأليف وإخراج عمرو سلامة.