ليه كل ما ناخد قرارات السنة الجديدة ما نعرفش ننفذها؟ (فيديو معلوماتي)

الإثنين، 13 يناير 2020 06:00 م
ليه كل ما ناخد قرارات السنة الجديدة ما نعرفش ننفذها؟ (فيديو معلوماتي)
قرارات

في بداية كل سنة بناخد قرارات جديدة ونقول هنحققها السنة دي وحياتنا هتتغير من النهاردة.

زي إننا نخس ونوصل للوزن المثالي

 أو نبطل تدخين

أو نلعب رياضة

أو نسافر  ونلف العالم

لكن مع مرور الأيام حماسنا بيقل لحد ما يختفي تماما وماننفذش أي قرار من اللي أخدناه

وبالتالي بنصاب بالإحباط واليأس

لو واجهتك المشكلة دي قبل كده فأنت مش لوحدك

الحالة دي علميًا اسمها متلازمة الأمل الخاطئ FHS

والسبب فيها إننا بنحط لنفسنا أهداف عالية وغير واقعية

حسب موقع Boldsky الهندي متلازمة الأمل الخاطئ بتوصف محاولة الأشخاص تغيير نفسهم لإحداث تأثير إيجابي في حياتهم

لكنهم بيفشلوا رغم إيمانهم بأهمية تحقيق الهدف لأن أهدافهم غير واقعية وصعبة التنفيذ

إما لأنها محتاجة وقت أكثر أو مجهود أكبر أو قدرات مختلفة

أو ببساطة هدفهم خيالي يستحيل تحقيقه

تعمل إيه عشان تنفذ قرارات السنة الجديدة؟

لو مش عايز تكون ضحية متلازمة الأمل الخاطئ خلى بالك وانت بتحدد أهداف السنة الجديدة

اختار أهداف واقعية قابلة للتنفيذ

حط لها خطة زمنية محددة قصيرة وطويلة المدى عشان تقدر تتأكد إنك ماشي على التراك

قبل ما تحدد خطتك اعرف قدراتك والإمكانيات المتوفرة عندك أو اللي تقدر تمتلكها

قسم أحلامك وأهدافك الكبيرة لخطوات تنفيذية قابلة للقياس

 

لا توجد تعليقات على الخبر
اضف تعليق