حقيقة سقوط حمو بيكا في نصف خشبة المسرح: " هو أنا بغني أجنبي"(فيديو)

السبت، 25 ديسمبر 2021 06:02 م
حقيقة سقوط حمو بيكا في نصف خشبة المسرح: " هو أنا بغني أجنبي"(فيديو)
حمو بيكا
أمل عبد المنعم

مطرب المهرجانات حمو بيكا، كشف حقيقة مقطع فيديو متداول، قيل إنه يظهر سقوط المطرب الشعبي على المسرح أثناء إحيائه حفلا غنائيا بدبي، وفي بث مباشر عبر صفحته الشخصية في "فيسبوك"، قال حمو بيكا: "بصّوا يا جماعة أنا طالع أقول كلمتين للناس اللي ما بتحبليش الخير.. مسرح إيه اللي أنا وقعت عليه..ا للي شغالة كان موسيقى أجنبي.. هو أنا دلوقتي بغني أجنبي؟".

حمو بيكا: انا بخير

وتابع حمو بيكا: "أنا بخير وسلامة، وأنا دلوقتي في السعودية عندي حفلات هناك.. مش أنا اللي كنت بالحفلة دي أصلا ولا وقعت ولا حاجة"، متهما العديد من وسائل الإعلام المصرية بـ"الكذب"، وكان رواد صفحات ومواقع التواصل الاجتماعي قد تداولوا مقطع فيديو قيل إن الشخص الذي يظهر من الخلف وهو يقفز على المسرح ومن ثم يسقط في فتحة بسبب خلل في الأرضية، هو حمو بيكا.

فيديو السقوط

وكان في الساعات الأخيرة انتشر فيديو عبر مواقع التواصل الاجتماعي لسقوط شخص على خشبة أحد المسارح بعد تحطم المسرح، وظن البعض أن حمو بيكا هو من في الفيديو، وأصبح تريند عبر مواقع التواصل.

رسالة حمو بيكا

واستكمل حمو بيكا: "حبيت أوجه رسالة لكل الناس اللي اطمنوا عليا شكر ليكم وبحبكم، وعايز أوجه رسالة للناس اللي بتنفسن عليا وبتبص على عيشة الناس التانية واللي يبص على عيشة الناس تحرم عليه عيشته، واللي بيتكلم عليا كلمه وحشه، هتقعد لعياله، واللي بيتكلم عليا في الخير بتمنالك كل الخير".

فرع حمو بيكا

واختتم حمو بيكا: "انتظروني غدا في السعودية، أول فرع لبيكا في السعودية وفي دول الخليج في الرياض وجدة، وانتظروا أغنيتي مع عمر كمال ونور التوت في أغنية جديدة، واغنية جديدة مع حمادة الاسمر، وسنة سعيدة عليكم بخير، و2022 سنة سعيدة على كل الناس والمسلمين والمسيحيين وأمي ومراتي وسنة سعيدة عليكم".

اعتزال حمو بيكا

وكان قد خرج حمو بيكا في بث مباشر من خلال صفحته على فيس بوك، حيث أبدى مؤدي المهرجانات استيائه من عدم وصول أغنيته الجديدة إلى الجمهور وتحقيق مشاهدات ضئيلة جدًا معبرًا بلغته وأسلوبه الدارج: " الآنسة سوزان اللي ماسكة اليوتيوب فيه حاجة غلط في اليوتيوب.. بقي أنا أنزل تراك من يومين لحد دلوقتي يجيب 11 ألف بس.. أول مرة يحصل معاية كدة.. أنا ممكن أبطل الشغلانة دي على كدة ".

حمو بيكا: في لعنة على اليوتيوب

وأضاف حمو بيكا: "احنا بنغرق وانتو مش حاسين بحاجة.. في مصيبة والحقوووونا .. ياعم مارك شوفلنا حل.. أنا ممكن أسيب اليوتيوب خالص وأنزلكم التراكات على الفيس بوك.. فيه لعنة على اليوتيوب".

للاطلاع على أبرز وأهم الأخبار والأحداث يرجى الاشتراك بالصفحة الرسمية لموقع صوت الأمة.. أضغط هنا

 

 

لا توجد تعليقات على الخبر
اضف تعليق


الأكثر قراءة