بالصور..إبراهيم سعيد لشهد "رافعة خلع وانتى مطلقة"

اكد إبراهيم سعيد، لاعب النادى الاهلى والزمالك السابق والمدرب الفني حاليا لنادي جولدي، أن زوجته الثالثه شهد عبدالله قامت برفع قضية خلع عليه، بالرغم انه من الأساس مطلقة، مؤكدا ان شقتهم التى تمثل محل النزاع بينهما لم ترثها،أو تمتلكها
ونشر سعيد عدة تويتات تبرز وثائق أدان بها طليقته شهد
فكتب إبراهيم سعيد تغريدة على حسابه الخاص "تويتر"اكد فيها: "أول مرة أشوف واحدة مطلقة ترفع قضية خلع أنا مش مطلقها بس أنا مديها آر بي جي".
مضيفا: "في ناس نسيت نفسها وبتقول وراثة أبوها وأمها من عشرين سنة، للعلم أبوها وأمها عايشين وأبوها اللي كانت مستعرية منه وبتقول إنه مات وهي عندها ٨ سنين".
وتابع: "وكانت رافضة أبوها ييجي العقيقة بتاعة آدم علشان راجل غلبان وجدع وقالتلي بلاش ييجي عشان الصحافة قولتلها ييجي ده جد ابني ويفرح بيه ويتصور معاه"، وقال: "وكان راجل جدع ابن بلد واتشرف أنه جد ابني".
وأضاف: "لحد آخر لحظة كنت محترم، وبعت شقة ليا علشان أركبها مرسيدس اللي عمرها ما ركبتها كانت علشان أم ابني بس".

واضاف إبراهيم سعيد: "وعربيتي الجيب بتاعتي ومن فلوسي خرجتها من البنك علشان باسمها، وأخذتها من تحت البيت وبتقولي ملكش حاجة عندي كله واحد بأصله".

مشيرا: "وده بيتي اللي دخلت فيه البلطجية اللي بتقول إنها اشترته هدية ليا آه ورث أبوها وأمها فعلا بلطجة"، وأضاف: "طيب طالما البيت بيتك وعملتي تنازل متنزلي عقد التنازل، اتجننت أقسم بالله وبتخرف".

وأضاف: "لي حق الرد وأنا مش بخاف الحمد لله، ولا بتفرق معايا بس كل واحد يفهم هو إيه وكان إيه وبقى إيه وكاتبة عايزة 5000000 من جولدي... اهدي بقي يا منار.. كفاية آر بي جي كده ولا أكمل".

مؤكد فى النهاية: "معلش بقالي فترة ساكت بس بقى زياده ومعملتش حساب لابنها بس أنا مش بسكت ولا بتفرق بس توصل بلطجة وتهديد بالقتل وكلمت ناس تأذيني وأنا أبو ابنها"، واختتم تغريداته: "كفاية كده النهاردة".