هجمة مرتدة

• مارتن يول .. عندما تتكرر المشاكل و الأخطاء الدفاعية في مبارتين متتاليتين فالأمر يحتاج الي عمل سريع , أحسب انك قادر علي فعل ذلك لأنك مدرب جيد .
• مرتضي منصور .. علي مدار الموسم الماضي كنت في خلاف مع مالد وادي دجلة ماجد سامي , ومع ذلك أجبر الرجل فريقه علي استقبال لاعبي الزمالك في اخر مباراة بالدوري باقامة ممر شرفي للاعبي بصفتهم بطل الدوري , فهل ستفعل ذلك مع لاعبي الأهلي في اخر مباراة بالدور لو واجهوا فريقك وهم أبطال للمسابقة بشكل مسبق .
• حسام غالي .. مش مطلوب من الأهلي يتحمل أخطاءك السذاجة في بدائيات كرة القدم مثل الاستلام و التسلم , انت لاعب كبير فكن علي مستوي تاريخك وحافظ علي مسار فريقك الذي لم يفشل بعد .
• شريف اكرامي .. هي غلطة الشاطر بألف , بس مش معقولة كل ماتش نعمل غلطات ب 3 الاف .
• علي جبر .. بعكس كل الاشادات التي علت بك لأعنان السماء في مباراة انيمبا , في رايي انت كنت محظوظ جدا لعدم طردك بكارت ثاني في نهاية الشوط الأول , كنت ستكرر ما فعلته من قبل في مباراة النجم الساحلي , وتكرر أيضا امام طلائع الجيش , انت تحتاج لمن يعلمك كيف تندفع باتجاه المنافسين بدون أن تتقمص شخصية قطار فقد سائقه .
• محمد كوفي .. عارف ان المحترفين عليهم التزامات ولازم مستحقاتهم متتأخرش , بس ليه الفيلم ده كله يا عم كوفي , ده انت داخل في 10 سنين عايش معانا وبتاكل الفول بتاعنا , وبتتكلم مصري احسن مننا , خلاص يعني مستحقاتك المتأخرة دي هي اللي هتجيبلك الفيلا اللي ب 3 جناين .

[email protected]