انفراد.. تسجيل صوتي لـ«مبارك» بعد البراءة (1)
السبت، 04 مارس 2017 04:06 م
انفردت محررة قسم الحوادث بـ«صوت الأمة»، بتصريحات خاصة، من الرئيس الأسبق محمد حسني مبارك، في اتصال هاتفي، بعد حصوله على حكم البراءة في قضية قتل المتظاهرين.
وتحدث مبارك في الانفراد عن حالته الصحية،
وتفاصيل القضايا التي تنتظره بعد البراءة، وعن المكان الذي سيقيم به بعد إنهاء إجراءات
الإفراج، وموقفه من الإقامة في شرم الشيخ، وعن إمكانية رجوع علاء وجمال إلى ساحة الإعلام
مرة أخرى.
ازيك يا ريس.. أخبار حضرتك إيه؟
بخير الحمدلله
أنا دينا الحسيني اللي كنت جيت لحضرتك قبل
كدة
آاااااااااااه أهلا وسهلا
مبروك البراءة
الله يبارك فيكي.. ألف ألف شكر
كنت عاوز أعرف حضرتك هتعمل إيه الفترة الجاية؟
هطلع أقعد في بيتنا بقى
هتستقر في شرم الشيخ ولا فين؟
لا شرم الشيخ لا.. شرم كانت عشان ضيوف كبار
كانوا عاوزين يقابلوني.. هقعد في بيتي.
هل فيه إجراءات عشان ترجع في أقرب وقت..
كنت عاوزة أعمل تصريح؟
لالالالا ولا على لساني ولا لسانك
طب صحة حضرتك عاملة إيه دلوقتي؟
صحتي كويسة
فيه قضايا تاني؟
ما أعرفش والله..
ما فيش تاني فاضل نطلع القمر
