هشام المليجي:" عديت الـ 50 وما تجوزتش لسه بكون نفسي ولازم المرور بتجارب قاسية"(فيديو)

تصدر الفنان هشام المليجي، مؤشرات البحث بعد تصريحاته الأخيرة وكشف سبب عدم زواجه حتى الآن، قائلاً: "لم أتزوج من قبل، الموضوع ده كبير، في 3 إجابات جاهزين ممكن أقولهم ونكمل البرنامج، لكن لو هنتكلم بجد فالموضوع كبير، ومكنتش فاضي والله، ولسه بكون نفسي".

هشام المليجي ورأيه في الزواج

وتابع هشام المليجي خلال استضافته في الفضائيات قائلاً:" في حديثه عن الزواج مفيش نصيب دي حاجة بتاعت ربنا، لأن في ناس أتجوزت وفي ناس متجوزتش، الموضوع عادي، الجواز ده في خطأ شائع أنه حب ولازم نكون حاجة معينة، ولكن هو اشتراك بين اتنين عايزين يعملوا أسرة، فلازم يكون الأفكار والأهداف متقاربة، الشكل مش مؤشر لحاجة".

وأضاف هشام المليجي: "عشان الجواز مهم جدا لازم الواحد يأجله آخر حاجة في حياته ولو مفيش حزن وفشل مكنش هيكون فيه طعم في الفرح فلازم الواحد يمر بتجارب قاسية حتى يشعر بطعم النجاح".

هشام المليجي وقصة الكراش

وأردف هشام المليجي: "أنا مش جريء ومعنديش حاجة أخجل منها وعديت الـ50 سنة وتاريخ ميلادي اللي موجود على الانترنت مش حقيقي وبزعل لما البنات بتكتبلي على فيسبوك اني كنت الكراش بتاعهم زمان..  ومن زمان وأنا متعود على إنه أحيانا يبقى فيه شغل وأوقات مفيش لأن الدور بيدور على صاحبه".

هشام المليجي ومشواره الفني

وأوضح هشام المليجي عن مشواره الفني، قائلاً: "أنا محظوظ لأني بدأت مع عمر الشريف وعمرو دياب وشيرين رضا، وشوفت محمد رضا، وانا راضي بمشواري وحاسس إني مش ناقصني حاجة، واكتشفت إن الجمهور بيحبني جدا، واختتم هشام المليجي حديثه: "أنا اتظلمت في اسم المليجي لأن ده مش اسمي أن مليجي بس، والناس أما تقول المليجي بيفتكروني ابن الفنان محمود المليجي".

من هو هشام المليجي؟

الفنان هشام المليجي هو ممثل ومؤلف وموسيقي مصري، تخرج في أكاديمية الفنون- المعهد العالي للفنون المسرحية - قسم تمثيل، وإخراج، وشارك في عدد من الأعمال الفنية في السينما، والمسرح، والتليفزيون إلا أن انطلاقته الحقيقية بدأت مع دوره في فيلم "صعيدي في الجامعة الأمريكية"، وأشهر أعماله في السينما "ضحك ولعب وجد وحب، صعيدي في الجامعة الأمريكية، بوحه" أما أهم أعماله في الدراما "شجر الأحلام العصيان، الداعية".