دار الإفتاء تنصح الأباء والأمهات : ما تقولش لابنك "اسمع الكلام علشان ربنا يحبك"

الإثنين، 23 يناير 2023 03:28 م
دار الإفتاء تنصح الأباء والأمهات : ما تقولش لابنك "اسمع الكلام علشان ربنا يحبك"

نصيحة هامة قدمتها دار الإفتاء المصرية للأسر المصرية في تربية أبنائهم ، وأوضحت الدار أن جملة ( اسمع الكلام عشان ربنا يحبك )، يصنفها علماء النفس باسم "الحب المشروط" أو Conditional Love ، وهو أن تقول الأم لطفلها: إذا أكلتَ أحبُّكَ.. لو خلصت كل الواجبات للمدرسة أحبُّكَ.. ولو سمعت كل كلامي "ربنا يحبك".
 
وذكرت الوحدة: هنا يبدأ الطفل يسأل أو يفكر: يعني لو لم أنفذ كلام ماما، ربنا مش هيحبني! ..مع أني بحب ربنا، ليه هو مش بيحبني؟.. الحب المشروط بين الأم والابن أو الأب والابن يُشعر الطفل بأنه غير محبوب وغير مرغوب فيه، ولما يكبر بيشعر بعدم الانتماء للأسرة؛ لأنه كان معظم الوقت بيفشل أنه يكون عند حسن ظنهم في الاستجابة للنصائح.. وده اللي بيحصل تماما مع صورة الإله الخالق في ذهن الطفل. 
 
"اسمع الكلام علشان ربنا يحبك..ذاكر علشان ربنا يخلي بابا يشتري لك اللعبة اللي نفسك فيها..وهكذا تتكون لدى الطفل سلسلة من الشروط يقوم عليها حب الله اللي مهما فعل مش هيقدر يحقق علاقة حب معه..الصحيح في حب الله..إن الحب غير المشروط هو أكبر محفِّز للطفل، فلما تُشعِر الأمُّ طفلها أنها تحبُّه؛ لأنه ابنها، وأنها تريد أنه يكون أفضل الناس لمصلحته، والحب غير المشروط في علاقة الطفل مع خالقه هو أنه أساسا ربنا خلقنا لأنه يحبنا..وربنا من أسمائه الودود، الذي يتودد للعباد ويناديهم ويكرمهم في كل وقت من غير هما ما يطلبوا..ده يُعزِّز ثقه الطفل بنفسه، ويخلق علاقة سوية من الحب والتعلق بالخالق بعيدة عن الشرط، كذلك يتحدث ويتحاور مع من حوله عن حبه لله بثقة كبيرة.
 
326456604_719823123111024_2257209351590970686_n

 

 

 

لا توجد تعليقات على الخبر
اضف تعليق


الأكثر قراءة