باسم يوسف: مصر وحشتني.. ولو مشكلة فلسطين اتحلت النهارده هفضل أتكلم برضو والكوميديا السياسية عمرها قصير
الثلاثاء، 07 أكتوبر 2025 10:00 م
أرجع الإعلامي باسم يوسف، في أول ظهور له ببرنامج "كلمة أخيرة" الذي يذاع على قناة "ON"، سبب ترقب الجمهور لعودته قائلاً: الناس عايزة تتسلى ومستعدة تدفع فلوسها ووقتها عشان تستمتع.. إحنا كلنا سلع، والناس بتروح للي يسليها.
وأضاف خلال لقائه مع الإعلامي أحمد سالم: "شاشة ON شهدت أول ظهور ليا عام 2011، ومبسوط أني رجعتلها مرة تانية".
وأشار إلى أن مصر ما زالت تحتل مكانة خاصة في قلبه، موضحًا: "أكيد مصر وحشتني، ونجاح برنامجي كان في ظروف تسمح بده، لكن الكوميديا السياسية عمرها قصير، وكلامي وأنا عايش في البلد غير لما أرجع أعمله وأنا برة.
وتطرق باسم يوسف إلى موقفه من القضية الفلسطينية قائلاً: حتى لو مشكلة فلسطين اتحلت النهارده، هفضل أتكلم برضو.. لأن البنية التحتية عندنا مش بنصرف عليها فلوس قد ما بنصرف على بلد مجرمة.
وفي حديثه عن سر تفاعل الناس معه بعد حديثه عن فلسطين، قال باسم يوسف بواقعية: الناس بتركز مع الأراجوز، وده الواقع المرير.. في ناس كتير تعرف أكتر مني عن القضية، لكن كلامهم ما خدش نفس الاهتمام، وده مش عدل.
وأضاف: في أي حفلة لجمع تبرعات بيجيبوا ممثلين ومشاهير عشان الناس تيجي، لو جبت ناس مش معروفة محدش هيروح، فعشان كده لما يقولوا عليّ أراجوز مش بزعل، لأن المهم الناس تركز في القضية.
