عم غريب من بيته في السويس: صعب عليا حالى وانضربت أمام بنتى
السبت، 25 أكتوبر 2025 09:15 م
ظهر عم غريب مبارك، الرجل الذى أثار تعاطف رواد مواقع التواصل بعد تداول فيديو لحظة صفعه بالقلم في أحد شوارع السويس، وتحدث لأول مرة عن الواقعة التي أثارت الجدل خلال الساعات الماضية.
وقال عم غريب في حديثه، إن ما حدث كان صعبا عليه نفسيا، خاصة إنه اتضرب قدام بنته وأضاف إن اللحظة دي كانت من أقسى المواقف اللي مر بيها في حياته، لأنه ما قدرش يتماسك قدامها.
وأكد عم غريب إنه مش عايز غير حقه بالقانون، وإنه بيحمد ربنا على دعم الناس اللي وقفوا معاه من كل مكان، موجها رسالة شكر لكل من ساندوه بعد انتشار الفيديو، وقال إنه عايز يعيش بكرامته هو وأولاده .
