نهى العمروسى تكشف السبب الحقيقى لاعتزال شيرين

فاجأت الفنانة نهى العمروسى الجميع برد فعلها حول قرار اعتزال النجمة شيرين عبد الوهاب الغناء ،مشيرة إلى ان السبب الرئيسى فى اعتزالها هو جمهورها الذى يتمنى الآن عودتها من جديد.

وعبرت العمروسى عن استيائها فى تدوينه لها عبر حسابها الرسمى بالفيس بوك قائلة"
أالأسطورة شيرين عبدالوهاب , تفتكروا إيه إللى خللى واحدة بحجم موهوبتها تقرر تعتزل ؟ واحدة فى عز شبابها و قاعدة ومرَبُعة فى قلوب الملايين , وعلى قمة هرم النجومية و النجاح !!! أنا أظن إن إحنا إللى طفشناها , أيوة الجمهور هو إللى طفشها , لإنها ست عبارة عن كتلة أحاسيس , و إحنا بقينا مجتمع مريض بكل المقاييس , و مش محتاجة أثبت رأييى , لو حد قرا كومنتات البشر إللى على الفيسبوك على أى حد هايتاكد إنى مش غلطانة و خصوصاً بأة التعليقات إللى على الفنانين , تعليقات فى منتهى القذارة و الإنحطاط تدل على إننا فى مجتمع مظلم , متخلف و تحسسك إنك مزنوق فى ركن قذر من العالم , بالبلدى كدة إحنا عايشين فى باكابورت , أنا أظن إن شيرين أحاسيسها إتجرحت مش مرة و لا إتنين و لا مية حتى , أكيد شيرين إتجرحت آلاف المرات , أكيد حست إن روحها الحرة إتحبست فى سجون الرجعية و العفن ,أكيد حست بالخطر على حريتها و حست والقرف و الإشمئزاز من إللى حواليها , حست إن المجتمع العجوز دة بيحاول يسرق روحها الشابة منها فاقررت تنقذها من الهوا الملوث دة وتشممها هوا نضيف .
مجتمع كذاب مليان أقنعة مافيش مكان فيه للصادقين , بيحاول يرغمها على إنها تبأة زيه وهي مش ممكن تتخلى عن صدقها .
قلبى معاكى يا شيرين لإنى متأكدة إنك خدتى قرارك دة و إنتى مضطرة ليه و قلبك بيتقطع من اليأس و الحزن والإحباط ".