بالفيديو.. ساندي: جوزي عملنى سبوبة وانتجت لنفسي من الحفلات الخاصة

كشفت الفنانة ساندي عن خضوعها للابتزاز من زوجها، الذي حولها لمصدر رزق، لافتة إلى أن والدتها كانت رافضة هذا الزواج.
وقالت خلال لقائها مع الإعلامية "منى الشاذلي" ببرنامج "معكم" المذاع على فضائية "سي بي سي": "اتجوزتوا ضد رغبة أهلي، وعشت معاه 8 سنين، اول سنة كانت كويسة جدًا، وكنت قررت اسيب الفن، واعيش حياة هادية".
وتابعت "أصر هو بعد كده اني ارجع الشغل تاني، ومع الوقت لاقيت نفسي بقيت سبوبة ليه، وبصرف على البيت ومتحملة مسئولية كل حاجة، وهو مبيعملش حاجة".
وأضافت "كل الناس كانت فاكرة ان هو اللي عملني، مع اني كنت بنتج لنفسي كل أعمالي من الحفلات الخاصة، واول ما قررت الانفصال اتعامل معايا بمبدأ فيها لاخفيها".