أحمد عبدالله محمود في ذكرى رحيل والده: «طال الفراق وكبيرة هي حسرتي»

حرص الفنان الشاب أحمد عبدالله محمود، على إحياء ذكرى والده الفنان الراحل عبدالله محمود، والتي توافق اليوم 9 يونيو.

قام بنشر صور مجمعة لهم سويًا وهو في مرحلة طفولته، وذلك على صفحته بموقع التواصل الإجتماعي «فيس بوك»، وعلق عليها ببعض الكلمات المؤثرة قائلًا: «كل سنة زي الشهر ده والوقت ده تحديدا بترجعلي حالة الخنقة والحسرة على غيابك.. طول عمرك كنت عايز تفهمني يعني ايه راجل يعني ايه مسؤولية يعني ايه أكون صادق ونقي وعمرك ما زعلت حد منك».

ثم أكمل كلامه:«أنا كل يوم بقابل ناس بتكلمني عن أخلاقك وعن كرمك وعن حبك للحياة بس للأسف القدر كان عكس أمنياتي.. تعلمت منك كتير بس أكثر الحاجات اللي عرفتها بعد فراقك إني عمري ما اعتمد على حد خالص زي ما قلتلي عشان أقرب الناس ليا ظلموني ناسك والناس اللي كنت فاكرهم بيحبوا عبدالله محمود».

وختم قائلا: «أنا اتفاجئت بس عرفت إن حتى خيالي هيتخلى عني في العتمة.... أبي... طال الفراق وكبيرة هي حسرتي... ربنا يرحمك ويغفرلك ويطول عمر أمي واخويا ومراتي واجيب عيل شبهك يا رب».