«أولتراس أهلاوي» يطالب بإقامة مباراة «أسيك» على استاد القاهرة
السبت، 11 يونيو 2016 02:46 م
أولتراس أهلاوي
عبدالرحمن مصطفى
نشرت مجموعة أولتراس أهلاوي، بياناً رسمياً، عبر الصفحة الرسمية على موقع التواصل الإجتماعي «فيسبوك»، تطالب فيه بإقامة مباراة الأهلي مع أسيك ميموزا الإيفواري، في دور المجموعات بأبطال إفريقيا، بإستاد القاهرة بدلاً من برج العرب بالأسكندرية.
وجاء بيان الأولتراس كاملاً كالتالي:
«مباراة مصر ورواندا للشباب اتلعبت على ستاد القاهرة بعد ما كان مقفول لشهور ممكن تعدي السنة كمان .. طول الوقت اللي كان مقفول فيه كان بيتقال انه مش جاهز لاستقبال المباريات والحمدلله معنى كدة انه بقى جاهز».
وتابع: «مباراة الاهلي واسيك هتكون في نهاية الشهر ده وهتكون في رمضان، جمهور الأهلي ممكن يسافر ورا فريقه اخر الدنيا تحت اي ظروف،
لكن مفيش اي سبب ان جمهور الاهلي اللي غالبيته هيكون من القاهرة ومحافظات تانية انه يسافر في الصيام لبرج العرب ويفطر عند الاستاد والمباراة هتنتهي الساعة 12 بالليل ويكون سحوره في الطريق وكل ده في وجود ستاد القاهرة فاضي ومفيش مشكلة للعب عليه».
وأضاف البيان: «لو بنتكلم على تخطيط وتنظيم وعودة الجماهير للمدرجات لازم يكون في تفكير صح واحترام للمشجع ومعاملته معاملة آدمية ، الأهلي ملعبه ستاد القاهرة مش برج العرب، والاهلي بيلعب بإسم مصر زي المنتخب».
واختتم البيان قائلًا: «نتمنى ان الاهلي يتعامل نفس المعاملة».
