محمد عطية يدعم منتج «نيللى وشريهان» المثير للجدل

أثار المنتج الشاب هشام جمال، حالة من الجدل بعد عرض إعلان «ارسم قلب» والذي شارك من خلاله بالغناء، حيث أثيرت ضده موجة كبيرة من الإنتقادات بسبب صوته الذي أوضح الكثير أنه لا يصلح أن يكون مغنيًا، وبالرغم من كونه عضو في فريق «بوى باند» الغنائي.

ودافع النجم الشاب محمد عطيه عنه قائلًا: « صباح الخير يا جماعة.. "هشام جمال" الشاب اللي طالع فى إعلان دكتور مجدي يعقوب.. أولا أنا لا أعرفه ولا عمري شفته قبل كده وما عرفتش إسمه غير النهاردة لما لقيت التايم لاين كله بيتريق عليه.. ليه يا جماعة التجريح؟؟ ليه الإهانة والهجوم بالمنظر ده؟؟ لو مش عاجبك أي شئ ممكن تقول عادي.. ممكن تقول صوته وحش لبسه وحش قول اللي إنت عاوزه ده ذوقك وإنت حر.. بس ليه محاولات التحطيم المعنوي بالمنظر الفج ده.. أنا بتكلم عشان أنا ليا تجارب كتير في الموضوع ده خصوصا بعد إحتكاكي بالسياسة.. أنا خلاص إتعودت ولو ماكنتش مختار موقفي السياسي ده بمزاجي وعارف عواقبه كنت ممكن أتدمر نفسيا.. أرجوكم بالراحة علي الواد.. علي فكرة البوست مش القصد منه التحكم في أسلوب حد أو الحجر علي رأي حد انا ماعنديش مشكلة في اي حاجة.. البوست رجاء مش أكتر.. التجريح جزء من اللي حاجات الي بيتعرض ليها اي حد بيكون مشهور.. بس أنا عاوزكم تحطوا نفسكم مكانه.. الشاب لسه بيقول يا هادي.. الرحمة يا جماعة.. برة بيقفوا جنب أنصاف المواهب لحد مايعملوا منهم نجوم وإحنا بنبقي قاعدين مستنين الغلط لأي حد عشان نحطمه.. الرفق يا بشر».