هجمة مرتدة

• مارتن يول .. اياك ان تنجرف لتعليقات الجماهير , ظهورك بالمخدة في مباراة الزمالك شيء لو حدث لن يليق بمباديء النادي الأهلي .
• مرتضي منصور .. الدوري في الزمالك 10 سنين قدام , يحيينا ويحييك ربنا , بس عشان متزعلش مني زي السنة اللي فاتت , قبل ما الموسم يخلص بقولك حاول تدعم فريقك بصفقات قوية تكون عقودهم في درجك فعلا , مش زي السنة اللي فاتت .
• رمضان صبحي .. سترحل لا محالة , ولكن اصغي لمتطلبات ناديك وجماهيره في الوقت الحالي , ستوك سيتي و أودينيزي أندية يجب أن تلعب في أفضل منها خلال محطتك الأوروبية الأولي .
• أحمد حجازي .. أفضل مدافع في مصر هذا الموسم بلا جدال , من شكك في قدراتك عقب عودتك من اوروبا خسر كثيرا , ولولا تكرار اصابتك لانتقلت لأندية أكبر من فيورنتينا .
• أحمد الشناوي .. بص هو انا لغاية اللحظة دي وبالرغم من التقارير اللي بتتنشر مش قادر اصدق انك مطلوب في تشيلسي , خاصة مع وجود كورتوا هناك , بعدين معتقدش ان كونتي شافك بتلعب الفترة اللي فاتت من ساعة لما تشيلسي تعاقد معاه , والا كان طلب جنش .
• حسام عاشور .. عمرك 30 سنة و أحرزت 30 بطولة , سيبك من اي حاقد عليك لأن ده معروف انتماءه , وسيبك من اللي بيقول قدم ايه للمنتخب لنك مروحتش كتير المنتخب لأسباب غير معلومة , وعموما كانوا بيقولوا كدة علي عبد الله السعيد من سنة واحدة بس , لكن شوف دلوقت بقي عامل ازاي في المنتخب , كفاية ان واحد من افضل اللاعبين في تاريخ المنتخب أحمد حسن قال عليه انه افضل لاعب وسط لعب جنبه هو عاشور .